ENTRE A PSICANÁLISE E A ARTE

23 de novembro de 2021
Información
A Sección de Creación e Artes Visuais Contemporáneas do Consello da Cultura Galega propón o diálogo interdisciplinario nun ciclo denominado “Entre… e a arte”, que xa abordou os vínculos entre a arte e o pensamento, a arte e a comunicación ou a arte e as matemáticas.

A psicanálise e a arte centran esta nova xornada, coas intervencións dos relevantes especialistas: Félix Recio Palacios, sociólogo, psicanalista, profesor da Universidad Complutense de Madrid e membro do Foro Psicanalítico de Madrid, institución que ten como obxecto principal a interlocución entre a psicanálise e outros discursos contemporáneos, e Fernando Castro Flórez, filósofo, profesor, crítico de arte, comisario de exposicións, autor de libros de reflexión sobre a actualidade e polemista brillante e confeso.

A xornada contempla partir da óptica da psicanálise, do papel que pode desempeñar na arte contemporánea nunha interlocución mutua, de ida e volta. Non se trata da aplicación directa da psicanálise á arte, nin ao artista, nin á obra de arte, senón de formular as súas mutuas confluencias. De ver a relación da arte coa psicanálise e da psicanálise coa arte.
Ficha técnica
ENTRE A PSICANÁLISE E A ARTE Imaxe da portada: Manuel Quintana Martelo
ENTRE A PSICANÁLISE E A ARTE
Xornada. 23 de novembro de 2021
Coordinación
Miguel Fernández-Cid
Jesús Pastor Bravo
Asunta Rodríguez
Relator/a
Fernando Castro Flórez
Félix Recio
Organiza
Consello da Cultura Galega
Sección de Creación e Artes Visuais Contemporáneas (CCG)

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205