Mércores, 16 de febreiro de 2022Santiago de Compostela
Realizar o catálogo razoado dun artista é o obxectivo, incluso o soño, dos que administran o seu legado, conscientes de que é o documento de referencia para que investigadores e historiadores estuden a súa obra.
A intención dun catálogo razoado é reunir a totalidade das obras creadas polo artista, coa información máis completa, estudo do estado, datos sobre os seus diferentes propietarios, as exposicións en que foi mostrada ou os medios onde se reproduce. Detrás dun catálogo razoado hai un traballo de investigación especializado, minucioso, para localizar e valorar as obras.
Esta xornada pretende explicar que é un Catálogo razoado, que sentido ten, como se formula e que criterios se deben seguir na súa elaboración.
ASISTENCIA A inscrición é gratuíta.
O número de prazas é limitado.
As prazas cubriranse por rigorosa orde de inscrición.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
Xornada
O catálogo razoado
Mércores, 16 de febreiro de 2022Santiago de Compostela
16:15 horas
Inauguración
16:30 horas O catálogo razoado (ou) o metaverso do arquivo Alfonso de la Torre
Asesor de arte, proxectos museográficos, coleccións públicas e privadas e un dos maiores coñecedores de catálogos razoados, realizou a “Obra gráfica de Manolo Millares”, “Pablo Palazuelo”, “Fernando Zóbel”, “Manuel Rivera” ou “Manolo Millares”.
Traballou para a coñecida Colección CIRCA XX-Pilar Citoller e foi o seu director conservador dende 1999. Colaborou tamén como experto, por exemplo, nas coleccións Caja Madrid, Caixa Galicia, GMG (México), Ibercaja, Montes Gonzalez ou El Coto.
17:15 horas O papel do editor no marco dixital Sergio “Sacha” Azcona
Director editorial e consultor sénior en comunicación e mercadotecnia con máis de 20 anos de experiencia en consultoría de comunicación, social media, mercadotecnia, dirección e coordinación editorial. Profesor universitario e conferenciante.
Fundador e CEO de Haz Comunicación. Escritor de narrativa infantil. Premio do Ministerio de Cultura 2020 ao Libro de Arte Mellor Editado polo "Catálogo razoado de Poesía visual (1941-1970) de Joan Brossa".
18:00 horas
Descanso
18:15 horas O tempo recobrado Carmen Calvo
Titulada en Publicidade, estudou Belas Artes en Valencia. Académica da Real Academia de Belas Artes de San Carlos de Valencia. Obtivo numerosas bolsas e premios, entre outros, o Premio Nacional e o Premio Internacional Julio González.
Desde os anos oitenta, cando participou en New Images from Spain (1980) no Guggenheim Museum N.Y., a súa obra estivo presente nas máis relevantes mostras da arte española.
Ademais da súa dedicación á pintura, nun territorio que podemos cualificar de "híbrido" e moi singular na escena artística do noso país, destaca polos seus traballos na realización de intervencións, con carácter permanente, en edificios públicos.
Entre as súas últimas exposicións salientan: Galería Fernández Braso, Madrid (2018); Sala Alcalá 31, Madrid; Mauro Mauroner, contemporary Art Viena; PhotoEspaña Madrid; Kubo-Kutxa Donostia (2019); Carmen Calvo + Juan Luis Arsuaga, Cnio Arte, Madrid (2020); Museo Nacional Centro de Arte Reina Sofía (2021); Galería Diehl, Berlín (2022).
19:00 horas
Debate
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA A inscrición é gratuíta.
O número de prazas é limitado.
As prazas cubriranse por rigorosa orde de inscrición.
Xornada
O catálogo razoado
Mércores, 16 de febreiro de 2022Santiago de Compostela