Mapa Sonoro de Galicia: vila a vila
BETANZOS
Mapa Sonoro de Galicia: vila a vila
Venres, 29 de abril de 2022
Betanzos
Desde o Consello da Cultura Galega, a través do Arquivo Sonoro de Galicia (ASG), estamos a promover a conservación do patrimonio sonoro de Galicia presentando o Mapa Sonoro de Galicia, que é a ferramenta onde queremos que teñan representación as vilas e bisbarras do país coa súa propia identidade sonora.
O Mapa Sonoro de Galicia (mapasonoro.consellodacultura.gal) nace co obxectivo de ofrecer unha perspectiva xeográfica a coleccións sonoras xa custodiadas pola institución ou por outras entidades e particulares. Está especializado en coleccións de recollida antropolóxica, etnográfica, lingüística ou de sons da natureza, ambiente ou de actividade humana.
O Mapa Sonoro parte de máis de 800 documentos sonoros distribuídos por todo o país, espallados en coleccións sonoras moi diversas en tipoloxía e distribución xeográfica: A cultura popular de tradición oral nos centros da terceira idade recolle lendas, contos populares e gravacións dos nosos maiores. A nosa fala permite coñecer e diferenciar as variedades dialectais da lingua galega. Auga doce: viaxe sonora polo río Miño acolle os sons do gran río de Galicia, desde o paso natural do río ata as accións humanas vinculadas a el. Sons da terra permite escoitar sons da natureza pero tamén de oficios xa desaparecidos, e o Cancioneiro antropolóxico recolle os cantares e a tradición musical das montañas do Lor e as terras de Quiroga, en Lugo.
Trátase de ofrecer esta ferramenta á cidadanía para que poida incorporar aqueles materiais sonoros que forman parte da identidade sonora das súas vilas, para así preservar a nosa memoria.
ASISTENCIA
Realiza a túa inscrición en www.consellodacultura.gal
A inscrición é gratuíta.
O número de prazas é limitado. As prazas cubriranse por rigorosa orde de inscrición.
LUGAR
Sala Azul do edificio Arquivo (antes Liceo)
Praza de Galicia, s/n
15300 Betanzos (A Coruña)
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Xornada Mapa Sonoro de Galicia: vila a vila
BETANZOS
Mapa Sonoro de Galicia: vila a vila
Venres, 29 de abril de 2022
Betanzos
20:00 horas
Presentación da xornada
Ana Belén Veiga Pita, concelleira delegada de Cultura e Normalización Lingüística do Concello de Betanzos
Xosé Ramón Pousa, director do Arquivo Sonoro de Galicia do Consello da Cultura Galega
20:15 horas
O ASG E O MAPA SONORO DE GALICIA: VILA A VILA
Xosé Ramón Pousa, director do Arquivo Sonoro de Galicia do Consello da Cultura Galega“MAPA SONORO DE GALICIA: VILA A VILA” é, polo tanto, un ciclo de xornadas deseñadas para plasmar a identidade sonora das principais vilas de Galicia que se iniciou no mes de setembro de 2021 en Ribadavia e que se levará a cabo ao longo do ano 2022.
O formato que se presenta é moi sinxelo. Consiste nunha xornada de pouco máis dunha hora de duración na que se expón a importancia do son como valor cultural e a necesidade de conservar os sons do presente para xeracións futuras, así como o labor que leva a cabo o ASG, especialmente a través do Mapa Sonoro de Galicia.
Na mesma sesión, as persoas asistentes determinarán as voces e os sons (naturais ou artificiais) que consideran máis representativos da vila que se visita e a súa área de influencia, planificando a gravación deles. No acto explicaranse a dinámica e a técnica de realización das gravacións, que, na súa maior parte, serán efectuadas cos teléfonos móbiles das persoas participantes, as cales terán unha semana de prazo para proceder á súa realización e á subida dos sons ao Mapa Sonoro de Galicia, onde quedarán, en aberto, a disposición do público.
LUGAR
Sala Azul do edificio Arquivo (antes Liceo)
Praza de Galicia, s/n
15300 Betanzos (A Coruña)
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA
Realiza a túa inscrición en www.consellodacultura.gal
A inscrición é gratuíta.
O número de prazas é limitado. As prazas cubriranse por rigorosa orde de inscrición.
