Os camiños de Nós polo mundo
Sábado, 17 de setembro de 2022
Allariz
Neste país vertebrado por millóns de camiños, carreiros, corredoiras e vereas que nos comunican entre nós e que nos conectan co mundo, o país dos mil ríos que van a un mar que nos leva a Europa e a un océano que nos leva a América, é preciso reparar neses camiños físicos e imaxinarios polos que os arrieiros da nosa cultura levaron o noso xenio e trouxeron intelixencias afastadas. Vieiros de ida e volta que nos fixeron florecer e posibilitaron que nós enriqueceramos o mundo coa nosa intelixencia milenaria.
Vicente Risco, un destes arrieiros, deixou dito que “ningún pobo pode nin debe vivir para el só, senón que ten que vivir para os demais pobos da terra, ten que vivir na comunidade da cultura universal”. Esa idea viva inspira esta xornada, na que se reflexiona sobre a importancia das viaxes da intelectualidade galega como forma de intercambio de coñecemento e de interaccionar coas culturas do mundo en pé de igualdade, como un exemplo de futuro, de estímulo para a procura de todos os camiños que aínda fican por percorrer.
Nese traballo anda o Consello da Cultura Galega, establecendo permanentes contactos e complicidades con persoas e entidades de todo o mundo que xeran novo coñecemento, que nutre a “comunidade da cultura universal”, e tamén a Fundación Vicente Risco, que mantén vivo o legado deste heterodoxo amante do Oriente, do saudosismo, da Europa dos pobos e a súa riqueza cultural, desde a súa amada terra. Desta coincidencia nace esta proposta de reflexión e diálogo sobre a importancia destes intercambios e a necesidade do seu coñecemento como exemplo para os novos camiños que aínda ha percorrer a nosa cultura.
ASISTENCIA
A inscrición é gratuíta.
O número de prazas é limitado (20 persoas).
As prazas cubriranse por rigorosa orde de inscrición.
LUGAR
Fundación Vicente Risco
Rúa San Lourenzo, 3
32660 Allariz
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Xornada
Os camiños de Nós polo mundo
Sábado, 17 de setembro de 2022
Allariz
10:15 horas
Presentación
Rosario Álvarez, presidenta do CCG
Cristina Cid Fernández, alcaldesa do Concello de Allariz
Celia Pereira Porto, presidenta da FVR
10:30 horas
As viaxes de estudos previas a 1936: diálogo entre disciplinas científicas
“Viaxes europeas da Xeración Nós”
Ramón Villares, catedrático emérito da Universidade de Santiago de Compostela
“O contributo modernizador da JAE e (de) Cadarso no ámbito científico-experimental, mediante as viaxes ao estranxeiro na universidade galega (1900-1936)”
Ricardo Gurriarán, historiador
Presenta: Rosario Álvarez
11:10 horas. Coloquio
11:25 horas. Pausa
11:45 horas
Bal y Gay: de Cambridge a México D.F. da man de John B. Trend
Samuel Diz, intérprete e investigador musical
Presenta: Ana Gloria Rodríguez Alonso, padroeira da FVR
12:15 horas. Coloquio
12:30 horas. Pausa
12:45 horas
A vida nunha viaxe. Vicente Risco de París a Viena en 1930
Iria-Friné Rivera Vázquez, historiadora da arte e padroeira da FVR
Presenta: Celia Pereira Porto
13:15 horas. Coloquio
16:30 horas
Viaxes e contactos de Nós e Florentino López Cuevillas
Dialogan:
José María Eguileta Franco, doutor arqueólogo
Afonso Vázquez-Monxardín, catedrático de Lingua e Literatura Galega no Ensino Medio
Presenta: Antonio Blanco Rodríguez, vicepresidente da FVR
17:10 horas. Coloquio
17:25 horas. Pausa
17:45 horas
Alfonso Daniel Rodríguez Castelao: 100 anos arredor de Europa
Ángeles Tilve Jar, conservadora do Museo de Pontevedra. Responsable
de coleccións
Presenta: Miguel Anxo Seixas, presidente da Fundación Castelao
18:15 horas. Coloquio
18:30 horas. Pausa
18:45 horas
Polos vieiros da saudade: Ramón Otero Pedrayo en América
Patricia Arias Chachero, profesora e secretaria da Fundación Otero Pedrayo
Presenta: Alfonso Villar Agra, padroeiro da FVR
19:15 horas. Coloquio
19:30 horas
Clausura da xornada
LUGAR
Fundación Vicente Risco
Rúa San Lourenzo, 3
32660 Allariz
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA
A inscrición é gratuíta.
O número de prazas é limitado (20 persoas).
As prazas cubriranse por rigorosa orde de inscrición.