18:00 horas
Presentación

18:15 horas
A calidade democrática da nosa sociedade
Joaquín Urías dialoga con Celia Pereira Porto

Joaquín Urías
Profesor de Dereito Constitucional da Universidad de Sevilla desde hai 30 anos. Doutor en Dereito por esa mesma universidade tras realizar estudos para o seu doutoramento no Max Planck Institut de Dereito Público en Heildelberg (Alemaña).
Durante seis anos, até 2010, foi letrado do Tribunal Constitucional de España.
Entre 2010 e 2014 dirixiu o proxecto EURALIUS da Unión Europea para a reforma do sistema xudicial de Albania.
Publicou seis libros dedicados esencialmente á xustiza constitucional e á liberdade de expresión, temas centrais das súas investigacións científicas. Tamén publicou unha trintena de artigos científicos.
Dirixiu proxectos de investigación sobre procesos electorais e traballou para a OCDE asesorando as autoridades españolas para a elaboración dunha lei integral de servizos sociais.
Actualmente dirixe un proxecto da Unión Europea para avaliar os progresos do Estado albanés en materia de reforma xudicial.
En paralelo, desenvolve unha carreira como activista social e polos dereitos humanos: traballou seis anos con refuxiados en campos da antiga Iugoslavia e dous anos en asentamentos chabolistas en España. Foi portavoz do Foro Social de Sevilla dentro do movemento antiglobalización e contra a guerra de Iraq. Participou en proxectos sociais en Haití, Costa de Marfil ou Indonesia, entre outros países. Con ocasión da crise de refuxiados despois da guerra de Siria, traballou en campos de refuxiados na illa de Lesbos e dirixiu un proxecto nos campos de Grecia.
Colabora habitualmente en diversos medios de comunicación audiovisuais e publica artigos de opinión en diferentes medios escritos.

Celia Pereira Porto
Graduada en Dereito e doutora pola Universidade da Coruña, onde deu clase de Filosofía do Dereito até 2005. É avogada e presidenta da Fundación Vicente Risco. Académica correspondente da Real Academia Galega e coordinadora da Sección de Pensamento do CCG.
Na súa área de coñecemento reflexionou sobre o concepto do corpo para as mulleres, a discriminación de xénero na negociación colectiva e a obra de Concepción Arenal.
É autora de diversos libros e artigos sobre a igualdade de xénero desde unha perspectiva iusfilosófica e editora da primeira tradución ao galego de O meu pecado mortal de Clara Campoamor. Destacan tamén as súas monografías A aportación de Concepción Arenal no marco do Estado liberal español ou A discriminación de xénero na negociación colectiva. Vellas inercias e novos retos para a igualdade.

Nome *

Primeiro apelido+

Segundo apelido

Enderezo electrónico*

Número de teléfono

DNI*

Enderezo postal

Código postal

Localidade

Centro de traballo

Os campos marcados con * son obrigatorios

Desexo recibir información sobre novas actividades e eventos organizados polo Consello da Cultura Galega e lin é acepto o aviso legal e a política de privacidade do Consello da Cultura Galega para o tratamento de datos de carácter persoal.

Solicitar inscrición
A inscrición é gratuíta. O número de prazas é limitado. As prazas cubriranse por rigorosa orde de inscrición.