Ciclo

A información no mundo da posverdade

  1. Inicio
  2. Eventos
  3. Foro Pensar o mundo dende Galicia

Ciclo. Foro Pensar o mundo dende Galicia

A información no mundo da posverdade

Xoves, 9 de marzo de 2023
Santiago de Compostela
Ciclo
Foro Pensar o mundo dende Galicia

A información no mundo da posverdade

Xoves, 9 de marzo de 2023 Santiago de Compostela
Dende 1983 ata hoxe o Consello da Cultura Galega leva corenta anos promovendo o debate, a pescuda e a creación arredor de diversos eidos do saber, mais tamén sobre cuestións que atinxen aos problemas e inquedanzas da sociedade galega no pasado, no presente e no futuro. Froito diso foi un amplo elenco de congresos, debates, xornadas, publicacións e informes. Recollendo o legado do feito na súa historia, mais con proxección cara ao futuro, o Consello da Cultura Galega propón un foro de reflexión arredor de cuestións candentes no mundo actual, estruturado en oito xornadas con periodicidade mensual (de marzo a novembro de 2023) nas que se abordarán temáticas moi presentes nas actividades da institución, como a posverdade na información, a economía da cultura, os desafíos para o humanismo das novas tecnoloxías, a calidade da democracia, os retos presentes e futuros do feminismo, o papel do galego nunha sociedade multicultural, a sustentabilidade da economía global e o papel do patrimonio e da paisaxe. Máis de corenta personalidades do mundo cultural, científico e académico galego, ibérico e mundial daranse cita en Santiago de Compostela para reflexionar, debater e profundar na interpretación dos desafíos desta terceira década do século XXI, con vontade interdisciplinaria e dialogante. Dende Galicia, recollendo a tradición iniciada hai máis dun século pola Xeración Nós e polo Seminario de Estudos Galegos, aspiramos a repensar o mundo e a sermos unha célula de universalidade.

A información no mundo da posverdade

A primeira das xornadas do foro, que será coordinada polo catedrático de Xornalismo Xosé López García, abordará a cuestión da información no mundo da posverdade. O seu obxectivo é reflexionar arredor do ecosistema comunicativo actual, o papel da información e as distorsións que provoca a desinformación. Iso implica definir o ecosistema comunicativo, cos seus principais actores, e analizar as diferentes dimensións que introduce a posverdade como porta á reflexión da época actual. A partir do debuxo e análise dese panorama, poñeranse sobre a mesa algunhas das principais investigacións realizadas nos últimos anos sobre estas cuestións, así como as diferentes accións que se propoñen para combater a desinformación.
Programa
A información no mundo da posverdade
Programa en PDF
Temáticas
Comunicación
Ficha técnica
Ciclo.
Foro Pensar o mundo dende Galicia
A información no mundo da posverdade
Data
Xoves, 9 de marzo de 2023
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

Coordinación
Xosé López García
Participante
Carlos Elías
Clara González Tosat
María Isabel Míguez González
Xosé Rúas Araújo
Relator/a
Emili Prado
Remedios Zafra
Organiza
Consello da Cultura Galega