10:30 horas
Presentación da xornada

10:45 horas
Presenta: Mar Mato, xornalista do Faro de Vigo
Música en imaxes: fontes da iconografía musical medieval na Península Ibérica
Unha visión das fontes iconográficas medievais dispoñibles e a súa importancia para o coñecemento do seu contexto histórico e artístico na Península Ibérica. Analizará o uso da iconografía musical como fonte histórica para a interpretación e a práctica musical, xa que brinda pistas cruciais para a comprensión das prácticas musicais da época, pero tamén para a reconstrución de instrumentos musicais históricos.
Gorka Rubiales. Doutor en Musicoloxía pola Universidad Complutense de Madrid, membro do Grupo Complutense de Iconografía Musical e participou en numerosos congresos. O seu traballo abrangue os campos da musicoloxía, a iconografía musical, a organoloxía e a música escénica do século XVIII. Actualmente é contratado de investigación posdoutoural na Universidad de Salamanca.

11:45 horas
Presenta: Mar Mato, xornalista do Faro de Vigo
A harpa de Davide: reflexións sobre a arpa na Idade Media
Nesta conferencia expoñeranse diferentes aspectos relacionados con un dos instrumentos máis caros e prezados do universo musical dos séculos X-XIV: a arpa. Analizaranse os aspectos históricos e técnicos deste instrumento, sen esquecer a súaimportante carga simbólica, que o relaciona coa figura do rei David. Como agarrar un arpa, de que xeitos se toca (sentado, de pé, etc.), que dedos se utilizan, que funcións sociais desempeñou ou que repertorio musical se interpretaba serán algunhas das cuestións tratadas recorrendo ás fontes primarias como material de estudo e análise. O relator ilustrará a súa conferencia con música en directo mediante o emprego da copia dunha arpa medieval do século XIII procedente da chamada Biblia de Maciejowski.
Manuel Vilas, arpista especializado en música antiga, é natural de Santiago de Compostela e estudou arpas antigas dos séculos XII-XVIII con Nuria Llopis e Mara Galassi. Recoñecido polo seu traballo coa arpa ibérica, realiza un gran labor de investigación sobre a arpa xesuítica chiquitana (Bolivia), así como na arpa dobre do século. XIV que circulaba baixo a coroa de Aragón.
No 2008 funda o seu propio grupo, Ars Atlántica. Participou en máis de sesenta gravacións discográficas con multitude de grupos tanto barrocos como medievais de recoñecido prestixio. Dentro do labor pedagóxico, exerce como profesor nos cursos de maior categoría; entre eles, o de música antiga da Universidade de Santiago de Compostela, o concurso internacional de música antiga de Albarracín, o Festival Internacional de Morella, o Festival de Flanders (-Bélxica-) ou os encontros de arpa organizados polos Conservatorio Superior de Aragón, o Amherst Early Music Festival (EUA) e o Festival Esteban Salas (Cuba).12:45 horas
Pausa

13:00 horas
Presenta: Mar Mato, xornalista do Faro de Vigo
Dizer e cantar: a voz nas cantigas
A pesar de non conservarmos ningún tratado galego-portugués dedicado especificamente á técnica de canto, os outros textos da época, os textos das mesmas cantigas e, sobre todo, a súa propia música dannos información abonda para sabermos como cantar de maneira historicamente informada as cantigas medievais galegas.
Paulina Ceremuzynska, cantante e musicóloga especializada na interpretación da música antiga, estudou Musicoloxía na Universidade de Varsovia e Canto e Interpretación de Música Medieval na Universidade da Sorbona en París. Nacida en Polonia, é residente en Galicia desde hai anos. En 2004 realizou, como bolseira do Centro Ramón Piñeiro para a Investigación en Humanidades, un proxecto de transcrición e interpretación das cantigas do pergamiño Sharrer. Dese traballo resultou o disco Cantigas de amor e de amigo, a terceira gravación mundial das cantigas profanas do rei don Denís. En 2006 gravou o seu segundo disco, E moiro- me d’e amor, froito da súa investigación sobre a reconstrución do estilo musical das cantigas de amigo naqueles casos en que a melodía está perdida, a partir da técnica do contrafactum.

Nome *

Primeiro apelido+

Segundo apelido

Enderezo electrónico*

Número de teléfono

DNI*

Enderezo postal

Código postal

Localidade

Centro de traballo

Os campos marcados con * son obrigatorios

Desexo recibir información sobre novas actividades e eventos organizados polo Consello da Cultura Galega e lin é acepto o aviso legal e a política de privacidade do Consello da Cultura Galega para o tratamento de datos de carácter persoal.

Solicitar inscrición
A inscrición é gratuíta. O número de prazas é limitado (80 persoas). As prazas cubriranse por rigorosa orde de inscrición.