Creadoras galegas de imaxe

25, 26, 27 de abril de 2011
Información

A produción audiovisual en Galicia experimentou nos últimos anos un importante incremento cualitativo e cuantitativo. Non son poucas as mulleres que están a intervir traballando nos diferentes eidos deste ámbito creativo (cámaras, guionistas, realizadoras, montadoras etc.). Porén, nas mostras de documental e cinema galegos, séguese a observar un, cando menos curioso, silenciamento das propostas de novas directoras. Son estas cuestións as que configuran o obxectivo fundamental do ciclo Creadoras galegas de imaxe. Trátase de dar a coñecer e difundir propostas e obras de mulleres e contribuír, así, a paliar a desinformación e invisibilidade existente.

O ciclo, coordinado por Margarita Ledo Andión e Encarna Otero Cepeda, e organizado pola Comisión de Igualdade do Consello da Cultura Galega en colaboración coa Deputación de Lugo, focaliza a súa atención na produción de creadoras galegas que traballan nos xéneros cinematográficos de ficción, documental e animación (curta e longametraxe), dando corpo a unha mostra significativa da creación máis actual.

Ficha técnica
Creadoras galegas de imaxe
Creadoras galegas de imaxe
Ciclo. 25, 26, 27 de abril de 2011
Coordinación
Margarita Ledo
Encarna Otero
Colabora
Comisión de Igualdade (CCG)
Diputación de Lugo. Vicepresidencia Tercera

Organiza
Comisión de Igualdade (CCG)

LUGAR
Sede da Deputación de Lugo
Rúa San Marcos, 8
27001 Lugo