Idiomas: Español / English
Pazo de Raxoi, 2º andar
15705 Santiago - A Coruña
Tel.: +34 981957202
Directorio de contactos
EVENTO
Congreso Mil e un Cunqueiros
En 2011 cúmprense cen anos do nacemento de Álvaro Cunqueiro Mora. Esta conmemoración supón unha oportunidade para revisar o legado do escritor mindoniense, facer balance dos estudos cunqueirianos e propiciar novas aproximacións críticas á súa obra.

A dimensión galega e universal da obra e da figura de Álvaro Cunqueiro convertérono nun factor privilexiado para a proxección de Galicia no mundo. O pensamento e a imaxinación cunqueiriana renovaron a conciencia dos propios galegos sobre si mesmos, establecendo novas pautas que contribuíron a definir a identidade galega e a imaxe do noso país.

No marco das diferentes conmemoracións que ao longo deste ano van ter lugar por toda a xeografía galega (exposicións, faladoiros, concertos, representacións teatrais…), o Consello da Cultura Galega, coa colaboración das universidades galegas, organiza o Congreso ‘Mil e un Cunqueiros’. A súa finalidade é servir de foro para o debate académico e o intercambio científico, con especial atención á presentación dos resultados das investigacións en curso sobre Álvaro Cunqueiro. O Congreso pretende ser un punto de encontro entre investigadores, profesores e estudantes da comunidade académica galega,
peninsular e internacional, e favorecer o diálogo interdisciplinar e intercultural arredor da obra do mestre mindoniense.

NOTAS: Programa definitivo do congreso. Pode consultalo aquí

INSCRICIÓN.


A inscrición realizarase exclusivamente a través do formulario habilitado no web do Consello da Cultura Galega (www.consellodacultura.org). O pagamento da matrícula só se efectuará unha vez que a organización confirme mediante correo electrónico a dispoñibilidade de praza. As persoas con comunicación aceptada deberán seguir o mesmo procedemento de preinscrición que o resto das persoas interesadas (formulario de preinscrición).

O número de prazas é limitado (100 persoas).

Tarifas de inscrición
O pagamento da matrícula realizarase no prazo sinalado para a inscrición de asistentes (con ou sen comunicación), do 15 de xuño ao 15 de setembro, no seguinte número de conta: NOVACAIXAGALICIA 2091-0300-47-3110063172. Importante: O pagamento da matrícula só se efectuará unha vez que a organización confirme mediante correo electrónico a dispoñibilidade de praza.

• Inscrición con comunicación: 40 €
• Inscrición sen comunicación: 20 €
• Parados e estudantes: desconto do 50% sobre as tarifas anteriores.

Para formalizar a matrícula debe enviarse o xustificante de pagamento. Se está nos grupos de matrícula reducida, debe incluír tamén unha copia da tarxeta do paro ou da matrícula no curso 2010-2011.
Título
Congreso Mil e un Cunqueiros
Data de celebración
» Do 28 de setembro ao 1 de outubro de 2011
programa
» Programa definitivo do congreso
acta
» PREACTAS do Congreso "Mil e un Cunqueiros"
PARTICIPANTES
Autoria
» Xosé María Álvarez
» Iago Castro Buerger
» Xosé Manuel Dasilva
» Xosé Luís Franco Grande
» Thomas Harrington
» María Xesús Lama
» Carlos P. Martínez
» Xosé Miranda
» César Antonio Molina
» César Morán
» Alberto Moreiras
» Manuel Outeiriño
» Martine Roux
» John Rutherford
» Francisco Salinas
» Miguel Somovilla
» Anxo Tarrío Varela
» Rexina Vega
» Regina Zilbermann
Lugar de celebración
Consello da Cultura Galega.
Pazo de Raxoi, 2º andar
Praza do Obradoiro s/n
15705 Santiago de Compostela

Paraninfo da Universidade da Coruña
Rúa da Maestranza, 9
15001 A Coruña

Vigo
Auditorio Municipal de Vigo
Praza do Rei, 1
36202 Vigo
Máis da serie
Ano Cunqueiro 2011
Divulgación »

Ensino cultural en Galicia
OBSERVATORIO DA CULTURA GALEGA

Podes consultar e descargar o informe Ensino cultural en Galicia
Divulgación »

Documentación »

ARQUIVO DA EMIGRACIÓN GALEGA
O Grupo escolar Francisco Vizoso, un exemplo máis da filantropía emigrante galega

O grupo escolar Francisco Vizoso foi construído nos terreos doados polo indiano mugardés, Franciso Vizoso Cancela, quen fixo ademais importantes doazóns para as obras e a compra de mobiliario e material escolar.
A escola foi inaugurada en 1929 e actualmente segue a ter unha finalidade educativa pois funciona como local social onde se imparten cursos de formación de adultos.
Divulgación »

Ángel Jorge Echeverri

1904 - 1984. Un continuador da escola de Anatomía de Rodríguez Cadarso

MAPA INTERACTIVO

MAPA INTERACTIVO »
Equipamentos culturais
MAPA INTERACTIVO »

MAPA INTERACTIVO

As escolas da Emigración
Recuperación do legado educativo da emigración

ROTEIROS

ROTEIROS »
Roteiros da Cultura
Viaxes temáticas a redor do noso territorio
  • O Mapa Cultura Galego é un amplo directorio de equipamentos e infraestruturas culturais en toda Galicia, xeolocalizadas