congreso

ANO CUNQUEIRO 2011

Mil e un Cunqueiros

Do 28 de setembro ao 1 de outubro de 2011
Información

En 2011 cúmprense cen anos do nacemento de Álvaro Cunqueiro Mora. Esta conmemoración supón unha oportunidade para revisar o legado do escritor mindoniense, facer balance dos estudos cunqueirianos e propiciar novas aproximacións críticas á súa obra.


A dimensión galega e universal da obra e da figura de Álvaro Cunqueiro convertérono nun factor privilexiado para a proxección de Galicia no mundo. O pensamento e a imaxinación cunqueiriana renovaron a conciencia dos propios galegos sobre si mesmos, establecendo novas pautas que contribuíron a definir a identidade galega e a imaxe do noso país.


No marco das diferentes conmemoracións que ao longo deste ano van ter lugar por toda a xeografía galega (exposicións, faladoiros, concertos, representacións teatrais…), o Consello da Cultura Galega, coa colaboración das universidades galegas, organiza o Congreso ‘Mil e un Cunqueiros’. A súa finalidade é servir de foro para o debate académico e o intercambio científico, con especial atención á presentación dos resultados das investigacións en curso sobre Álvaro Cunqueiro. O Congreso pretende ser un punto de encontro entre investigadores, profesores e estudantes da comunidade académica galega, peninsular e internacional, e favorecer o diálogo interdisciplinar e intercultural arredor da obra do mestre mindoniense.


 

Ficha técnica
Mil e un Cunqueiros
Mil e un Cunqueiros
Congreso. Do 28 de setembro ao 1 de outubro de 2011
Comisión organizadora
Manuel Forcadela
Teresa López Fernández
Dolores Vilavedra
Comité científico
Xosé Luís Axeitos
Basilio Losada
Carlos P. Martínez Pereiro
María Camiño Noia
Craig Patterson
Aldo Ruffinatto
Anxo Tarrío Varela
Elías Torres
Darío Villanueva
Comité de honra
José María Barja
Abel Caballero
Orlando González Cruz
Salustiano Mato de la Iglesia
Roberto Varela Fariña
Ramón Villares

LUGAR
Inauguración

Consello da Cultura Galega
Pazo de Raxoi, 2º andar
Praza do Obradoiro s/n
15705 Santiago de Compostela


Desenvolvemento
Paraninfo da Universidade da Coruña
Rúa da Maestranza, 9
15001 A Coruña


Clausura
Auditorio Municipal de Vigo
Praza do Rei, 1
36202 Vigo