Sinatura Convenio de colaboración entre o CCG e a AIEG
Martes, 12 de xaneiro de 2010
Os presidentes do Consello da Cultura Galega, Ramón Villares, e da Asociación Internacional de Estudos Galegos (AIEG), Craig Patterson, asinaron un protocolo-marco de colaboración para realizar actividades e proxectos en forma conxunta. O documento institucionaliza una colaboración que ven de vello e permite ao Consello un paso máis na súa liña estratéxica de difusión da cultura galega no exterior.
O protocolo asinado menciona, entre outras accións, o desenvolvemento de proxectos de investigación, a organización de todo tipo de actividades académicas e, particularmente, os congresos trianuais da AIEG, o apoio a investigadores estranxeiros, o intercambio de publicacións e proxectos culturais e outras iniciativas consideradas de mútuo interese.
Craig Patterson , profesor da Universidade de Cardiff e que se expresou nun perfecto galego, agradeceu a axuda e a acollida do CCG e falou da necesidade de fortalecer o traballo dunha entidade creada en 1982 e que celebrará o seu X congreso en Cardiff-Gales en setembro de 2012. Patterson amosouse moi crítico coas “Bases para a elaboración do decreto do plurilingüsimo, polos “prexuízos para o galego e polas complicacións que introduce na organización da actividade escolar”, dixo.
Convenios
Sinatura Convenio de colaboración entre o CCG e a AIEG
Martes, 12 de xaneiro de 2010
Convenios
Sinatura Convenio de colaboración entre o CCG e a AIEG
Martes, 12 de xaneiro de 2010
Solicita a túa inscrición
Sinatura Convenio de colaboración entre o CCG e a AIEG
Convenios. Martes, 12 de xaneiro de 2010