mesa redonda

A obra dramática de Alvaro Cunqueiro

No Palexco (A Coruña), xoves, 8 de setembro ás 19:00
A obra dramática de Alvaro Cunqueiro

Carlos Negreira, alcalde da Coruña, e Ramón Villares, presidente do Consello da Cultura Galega, teñen o pracer de convidarte ao faladoiro A obra dramática de Álvaro Cunqueiro que acollerá o Palexco o xoves, 8 de setembro ás 19:00 horas e no que participarán Ánxeles Cuña, Manuel Lourenzo, Euloxio Ruibal e Laura Tato.

"A tertulia de Mansur é ás tardiñas, e tenden os criados toldo riscado e traen coxíns e almofadas, e van servindo o chá con menta. Os tertulios son os ditos pilotos que non andan na ocasión no mar, e máis o noso Sinbad, e os forasteiros que se acheguen, que cáseque sempre son xente mariñeira. (…) Na tertulia ponse Sinbad en duas almofadas no medio e medio da roda, e deixa que os outros vaian sacando novidás, e si falan de terras que esteñan de cerca, a dez días ou vinte de mar, ou de sucesos da vila ou do propio país de Bolanda, entón non dí nin verba, pro tan axiña como amosa aos beizos de calisquera dos presentes o nome dun país ou de illa, ou de nación de máis alá de Canbetún e Columbo, entón apreixa os xoenllos coas mans, e repite en voz alta o nome lonxano, e xa saben todos que vai falar Sinbad dunha viaxe sua, dunha descoberta famosa, dunha rara aventura, de costumes non usadas."

Si o vello Sinbad volvese ás illas…
Galaxia, 1961

 

 

Conectate o Consello da Cultura Galega en Facebook, Twitter ou comparte esta nova: