Olga Gallego Domínguez: Mulleres e Historia

Xoves, 27 de outubro de 2011
Información

Con esta xornada preténdese propiciar un espazo para o estudo e recoñecemento da obra da arquiveira e historiadora Olga Gallego Domínguez, proporcionando reflexións sobre as distintas facetas do seu traballo profesional e investigador. Herdeira da tradición humanista que caracterizou a Arquivística dos séculos XIX-XX, soubo ligala coas expectativas dos novos servizos públicos e transmitirlles ás novas xeracións unha visión en que traballo profesional e investigación van da man.

A xornada Mulleres e Historia. Olga Gallego Domínguez quere contribuír, ademais, a través da figura desta profesional, a visibilizar o labor de tantas mulleres que sostiveron e sosteñen o sistema de arquivos e bibliotecas públicas.