Dentro do ciclo O(s) Sentido(s) da(s) Cultura(s), a seguinte participación reunirá no seguinte evento a Lisa Weeden, profesora de Ciencia Política na Universidade de Chicago e especialista en Oriente Próximo, e Allais Hajou, director sirio de series televisivas de humor, quenes presentarán "Ideoloxía e humor en tempos escuros. Notas desde Siria. Lisa Wedeen e Allais Hajou" o xoves, 21 de xuño, ás 16:30 na Biblioteca do Consello da Cultura Galega.

Lisa Wedeen é profesora de Ciencia Política na Universidade de Chicago con liñas de investigación centradas en política comparada, Oriente Próximo, teoría política, teoría feminista e métodos cualitativos

Allais Hajou, director sirio de exitosas series televisivas como “The Lost (forgotten) Village,” Day`a, Daay`a, 2010 ou “Winds of Ruin,” Riyah al-Khirba 2011.

Ambos analizarán diversas series televisivas e a complexa relación entre ideoloxía e humor no réxime sirio.

Ademais, a autora indica que ten dous libros dispoñibles de balde neste enlace que permitirán coñecer algo máis sobre a súa traxectoria de investigación. L Wedeen sinala que o texto denominado Ambiguities of domination permite unha lectura completa e do segundo Peripheral visions recomenda a introdución e os capítulos 2, 3 e 4. En todo caso, se alguén quixese optar por unha lectura rápida, ela suxeriría os terceiros capítulos de senllos libros.

A conferencia será impartida en inglés. O texto da súa intervención está, polo momento, á súa disposición unicamente en inglés, pero nos vindeiros días incorporaremos a versión en galego.

Debido á capacidade limitada do lugar de celebración do encontro; pregámoslle que confirme a súa asistencia no enderezo electrónico difusion@consellodacultura.org ou nos teléfonos 981957209 / 981957210.

Toda a información sobre o ciclo e materiais dos anteriores relatorios na nosa Mediateca

Solicita a túa inscrición