Ofrécense dúas das cancións galegas máis emblemáticas e populares da nosa música, interpretadas por Ofelia Nieto, coa súa habitual expresividade e calidade. Ambas as dúas pezas son poemas de Manuel Curros Enríquez (1851-1908) musicados por José Castro "Chané" (1856-1917): «Un adiós a Mariquiña», que está dedicada á filla do avogado de Curros, Luciano Puga, en agradecemento por evitarlle o cárcere, e «Cántiga gallega», escrita en 1869. A edición está feita en Barcelona por Odeón en 1926.
Sinatura: ASG-OO-0490
Rexistro bibliográfico no catálogo da Rede de Bibliotecas Públicas de Galicia