Fondo Fundación Luís Seoane

----

de Luís Seoane, a Alberto Vilanova

03/02/1971
Dieste, RafaelManuel Fuentes Jorge, Mourente, RamónSeoane, LuísSeoane, MaruxaVilanova, Alberto
Compartir en


Buenos Aires, 3 de febreiro de 1971

Sr. D.
Alberto Vilanova
Ourense

Meu querido amigo:

Recibín fai días a túa carta que agradézoche moito. Non tiña noticias túas, mais supoñía que andarías por Madride adicado ós teus traballos. Eiquí pasaron moitas cousas. Co gallo de que defendín a Dieste dun ataque na seición Revoldaina de A Nosa Terra, adicáronme no número seguinte tres columnas inxuriándome de tódolos xeitos. Penso que dixeron de min máis cousas que de Mourente e atacaron novamente a Dieste. Tivéronme mal todo iste tempo, pois lembreime de todo canto renunciei pra sere leal a min mesmo e ás miñas ideias, e cal tiña de sere a partir destas colaboraciós, a anónima e a Revoldaina, e o criterio que terán de min a resposta. Xa a verás cando veñas. Supoño que todo vén do Val Capone, como ti lle dis, pois aceptei, con condiciós, integrar, en nome da Xunta Direitiva do Centro, o famoso Instituto de Cultura i él tiña feito toda crase de maniobras pra que eu non aceptase como as fixo pra apartarme da revista. Soio no Centro matina caciquear o que se poida dacordo con dúas ou tres persoas desa. Eu estórbolle. Coma él pasou a sere empregado do Centro, rentado, coma se di eiquí, quedaba en condiciós peores fronte a min, por eso malicio que todo parte del. Xa falaremos con calma desto cando regreses.
Miñones caeu por unha escada i está internado na Sociedade Española de Socorros Mutuos, paresce que a caída afetoulle á columna sen moita importancia, pero ten que gardar repouso. De ahí recibín hoxe a noticia da morte de Fuentes Jorge, na súa casa de Vidán a carón de Santiago.

Esto é todo. Cuco Rei gárdocho eiquí. Recibe o saúdo de Maruja e unha forte aperta do teu amigo:

[Seoane]

Ficha documental:
  • Colección:
    Fondo Fundación Luís Seoane
  • Data: 03/02/1971
  • De:
    Luís Seoane (1910-1979)
  • Para:
    Alberto Vilanova (1910-1985)
  • Orixe:
    Bos Aires, Arxentina, América
  • Destino:
    Ourense, Ourense, Ourense
  • Ficha descriptiva:
    [Carta mecanografada]
  • Temáticas:
  • Mencionados:
    Rafael Dieste (1899-1981)
    Manuel Fuentes Jorge
    Ramón Mourente
    Maruxa Seoane