Voces de Queenpostela / Hemeroteca / Fondos documentais / Consello da Cultura Galega

Voces de Queenpostela

Preséntanse aquí os 25 números de Voces de Queempostela, editados entre abril de 1996 e setembro de 1999 polo Colectivo Gai de Compostela (CGC). Trátase dunha publicación non feminista mais vinculada aos debates e redes dos feminismos que permite, ademais, cartografar unha parte do movemento lésbico en Galicia. Os seus obxectivos son a difusión das actividades do propio colectivo, a denuncia de casos de homofobia e a información de accións a prol dos dereitos nos ámbitos legal, social, lúdico, sexual e a participación en campañas anti-SIDA. Destaca particularmente das accións das organizacións de lesbianas e gais con actividade en Galicia e no resto da Península Ibérica como BOGA-Colectivo de Lesbianas de Galicia, Colectivo de Lesbianas Independientes Nosotras Tal Como Somos (CLI-NTCS), LEGAIS, Milhomes, CGLOu, GALEGA, COFLHEE, Clube Safo, ILGA-Portugal, Xente Gai Astur… Inclúe notas sobre publicacións LGTB (S’homos, Fluxos).

Subtítulo:

N.º 1 :
N.º 2 a n.º 20: Folleto mensual de información. Editado polo Colectivo Gai de Compostela
Nº 21 a n.º 24 : Boletín mensual de información. Editado polo CGC
N.º 25: Folleto de información mensal. Editado polo CGC

Entidade editora:

Colectivo Gai de Compostela

Lugar:

Santiago de Compostela

País:

España

Data de inicio:

31/03/1996

Data de fin:

25/09/1999

Ano de inicio:

1996

Ano de fin:

1999

Comezo-cese:

N.º 1 (abr. 1996) - n.º 25 (set. 1999)

Periodicidade:

Mensual

Idioma:

Está redactada íntegramente en galego; na sección de contactos inclúense anuncios en castelán.

Formato:

Números 1, 8 - 11: 29,60 cm alto x 21 cm ancho Números 2 - 7: 25 cm alto x 21,50 cm ancho

Extensión:

Ten extensión de dúas páxinas en branco e negro. A partir do número 21 ten catro páxinas e novas seccións.

Prezo:

De balde.

Financiamento:

Fondos propios, publicidade, subvencións.

Contido:

Folla informativa mensual editada polo Colectivo Gai de Compostela (CGC). Recolle novas de actualidade dos ámbitos organizativo, social e lexislativo e dá conta de accións reivindicativas en Compostela e Galicia (denuncias contra a homofobia, accións antiSida, debates e festas).

Ilustracións:

A partir do número 10 ilústrase con fotografía homoerótica.

Publicidade:

Carece.

Depósito dos fondos:

Consello da Cultura Galega.

Fondos dispoñibles no Consello da Cultura Galega:

N.º 1 (abr. 1996) - n.º 25 (set. 1999)

Indice documentado:

Índice documentado de Voces de Queenpostela