Contido:
Programa galego. Magazine emitido en Ràdio Ciutat Vella os luns ás 20h. Aturuxos quere transmitir contidos diversos —cultura, política, novas...— dun xeito divertido, co toque de humor dado cada semana por Xosé Manuel e Alberte Fernández Montes. Anos antes o programa estivera dirixido por Ana Belén Real e mais por Eduard del Castillo Velasco, un catalán sen ascendencia galega interesado dende hai moito tempo pola lingua e a cultura do noso país. O programa tamén contou coa colaboración do profesor Xosé Antón Pérez Bouza, que traía a literatura galega ao programa ou mesmo Antón Fernández, encargado da realización do “Especial Eleccións 16-N” nas sedes dos partidos a mesma noite electoral. Todo o programa aparece amenizado coa música e coas sorpresas que van xurdindo. O programa incluíu colaboradores e corresponsais que informan dende Cataluña ou dende Galicia, como a crónica semanal da actualidade social, cultural e política realizada por Antón Fernández, corresponsal de ERGAC en Galicia.
