RESUMO

Teima
n. 4 ( 6/ 1/ 1977)

Este número publicouse no 27º aniversario do falecemento de Castelao, polo que está dedicado á súa figura.

Ao tratarse do primeiro número do ano 1977 varios dos artigos fan un resumo do acontecido no ano anterior.

A entrevista dedícase a unha muller condenada por adulterio e reflexiona sobre a importancia de que se legalice o divorcio, especialmente para as mulleres.

Nunha ampla reportaxe examínanse os dous últimos anos dos tres grupos empresariais máis importantes en Galicia. Os convenios colectivos de Renfe e Astano e a folga no metal en Lugo completan os artigos dedicados a temática laboral.

Estúdianse os problemas dos carburos e as persoas intoxicadas.

O número incorpora publicidade de Excansa, Vagalume, Caja de Ahorros Municipal de Vigo, Radio Popular e Banco Simeón