Colección: Otero Pedrayo e Carballo Calero
O epistolario cruzado entre Ramón Otero Pedrayo e Ricardo Carballo Calero é un dos máis completos e interesantes dos que se conservan en Galicia. Inclúe 167 cartas, case a partes iguais (85 de Otero a Carballo, que están nos fondos do Parlamento Galego, por depósito familiar, e 82 de Carballo a Otero, que están na Fundación Penzol, por disposición testamentaria). Corresponden a un período que vai de abril de 1949 a outubro de 1974. Poñelo a disposición do público investigador de forma aberta é un desexo tanto das institucións que colaboran neste proxecto coma da familia de don Ricardo e unha contribución, xulgamos, de máximo interese para o Día das Letras Galegas.
0