Biografía de Leticia Regueiro Abelleira
Enxeñeira química e doutora en Enxeñaría Química e Ambiental pola Universidade de Santiago de Compostela e persoal investigador en ANFACO-CECOPESCA desde 2016, onde traballa na división de Valorización de subprodutos e economía circular. A súa experiencia no campo da valorización durante máis de 10 anos abrangue desde proxectos de produción de biogás e biometano, hidrólise enzimática, extracción por fluídos supercríticos, microencapsulación, produción de quitosano, entre outros. Conta con 18 publicacións en revistas internacionais e numerosas intervencións en congresos, así como a participación e dirección de numerosos proxectos tanto europeos como estatais e autonómicos.
