Biografía de Ángeles Abelleira
Mestra de educación infantil con experiencia en dirección de centros. Foi asesora de formación do profesorado, así como asesora técnica na Administración educativa, onde tamén tivo responsabilidades na innovación e na ordenación educativa. Autora, colaboradora e coordinadora de publicacións relacionadas coa educación infantil, a convivencia escolar, a avaliación, o currículo educativo ou os valores, que lle supuxeron prestixiosos premios e recoñecementos pola súa achega á innovación educativa, entre outros o Premio Nacional Francisco Giner de los Ríos 2012 á mellora da calidade educativa. No 2015, foi seleccionada para representar a España na Rede Iberoamericana de Educación Infantil polo seu blog InnovArte Educación Infantil, do que é coautora coa súa irmá Isabel. Na actualidade desempeña a función docente na EEI Milladoiro, no concello de Ames.
