consello da cultura galega

Teléfono: +34 981 957 202 | web@consellodacultura.org


XI Encontros para a Normalización Lingüística
encontro | 12 e 13 de febreiro de 2009
Información

O Consello da Cultura Galega organiza a XI edición dos Encontros para a Normalización Lingüística co ánimo de poñer, un ano máis, ao dispor dos principais axentes sociais implicados na normalización do idioma galego este foro de debate e reflexión arredor do proceso de planificación lingüística en Galicia. O momento político no que nos atopamos, de final dunha lexislatura e ás portas doutra nova, esixe un alto no camiño, tanto para botar a vista atrás e avaliar a política lingüística desenvolvida polo Goberno galego nestes últimos catro anos como para que agromen novas propostas e ideas que alumeen as accións políticas futuras. A estas cuestións dedicaremos a primeira das dúas xornadas, na que tamén se reflexionará sobre a lexislación lingüística de recente aparición, así como sobre o argumentario xurídico que avala a intervención pública en cuestións de idioma no ámbito privado. A segunda xornada, cun enfoque máis sociolóxico, centrarase nos seguintes temas: as canles de participación social nas políticas lingüísticas institucionais, a integración sociolingüística e cultural dos inmigrantes e emigrantes retornados e a socialización en lingua galega nos centros galegos do exterior. Como novidade, os Encontros pecharanse nesta ocasión cunha sesión lúdica que nos presentará unha visión orixinal do camiño andado e por andar cara á plena normalización social do idioma galego, obxectivo que inspira a organización deste evento desde o seu comezo.


Ficha técnica
Colabora
» Centro de Documentación Sociolingüística de Galicia (CCG)
Lugar de celebración