consello da cultura galega

Teléfono: +34 981 957 202 | web@consellodacultura.org


Presentación do libro «A emigración galega a América do Sur»
presentación | Venres, 13 de decembro de 2013 ás 12:00
Información

O libro esmiuza o periplo de milleiros de familias separadas por un Océano que lles prometía unha vida mellor. E de que xeito os primeiros emigrados reclamaron despois a familiares e veciños, constituíndo auténticas cadeas que permitiron a inserción social e laboral da maioría dos novos emigrantes.


O asociacionismo galego (irmandades, centros galegos, amigos dunha localidade...), a solidariedade e as relacións entre paisanos, a importancia da emigración feminina, os exiliados ou a integración nos países de acollida son aspectos fundamentais que este tomo analiza polo miúdo ao longo de oito capítulos, centrados na Arxentina como primeiro destino, seguida de Uruguai, Brasil, Venezuela, Perú, Chile ou Ecuador.


Con ese motivo, a editora Hércules de Ediciones, vai presentar no Consello da Cultura Galega, o froito dese esforzo investigador e editorial. Os encargados de dar a coñecer esta obra serán a coordinadora, D.ª Pilar Cagiao Vila, profesora Titular de Historia da Universidade compostelana, e o editor, D. Francisco Rodríguez Iglesias, que estarán acompañados polo presidente do Consello da Cultura Galega, D. Ramón Villares Paz. 


Presentación do libro «A emigración galega a América do Sur»
Data de celebración: 2013-12-13 12:00:00


Ficha técnica
Coordinación
» Pilar Cagiao
Edición
» Francisco Rodríguez Iglesias
Presenta
» Ramón Villares
Ámbito
» Comisión de Acción Exterior (CCG)
Colabora
» Arquivo da Emigración Galega (CCG)
Participantes
»
»
»
Lugar de celebración

LUGAR
Consello da Cultura Galega 
Pazo de Raxoi, 2º andar 
Praza do Obradoiro, s/n 
15705 Santiago de Compostela