consello da cultura galega

Teléfono: +34 981 957 202 | web@consellodacultura.org


Luces de alén mar. As escolas de americanos en Galicia
exposición | Na Escola de Limodre (Fene), do 1 de decembro ao 7 de decembro de 2014
Información

O Arquivo da Emigración Galega do Consello da Cultura Galega vén traballando desde os seus inicios, en 1992, na recuperación e posta en valor da memoria e dos importantes legados dos emigrantes galegos. Así, prestou atención ás accións solidarias e exemplarmente altruístas daqueles que financiaron, implementaron, custearon e sostiveron as construcións escolares, retribuíndo a Galicia coas remesas propiciadoras da escolarización e da instrución. Un caso único o de Galicia, por certo, na historia das colectividades de emigrantes.


Para a realización destes e doutros proxectos de recuperación, ordenación e estudo do patrimonio legado polos nosos emigrantes contou e conta, o Consello da Cultura Galega coa colaboración e axuda da Secretaría Xeral da Emigración da Xunta de Galicia. Esta parcería fixo posible, entre outros proxectos, a catalogación das construcións escolares financiadas polos emigrantes nas catro provincias galegas e tamén, a exposición que agora presentamos.


Luces de alén mar. As escolas de americanos en Galicia vén a subliñar, dunha parte, a dimensión da efeméride do centenario fundacional das Sociedades Galegas de Instrución radicadas en América e, doutra, as súas realizacións académicas nas localidades de procedencia dos emigrantes.


Esta exposición está na escola de Limodre cuxa ficha podes coñecer dentro do proxecto Escolas da emigración



Ficha técnica
Ámbito
» Comisión de Acción Exterior (CCG)
Colabora
» Secretaría Xeral de Emigración
Organiza
» Arquivo da Emigración Galega (CCG)
» Consello da Cultura Galega
Lugar de celebración

LUGAR
Sociedad Hijos de Limodre
Camiño Grande s/n
Limodre
15627 Fene
A Coruña