consello da cultura galega

Teléfono: +34 981 957 202 | web@consellodacultura.org


Os instrumentos tradicionais baixo a perspectiva dos artesáns
xornada | Venres, 13 de novembro de 2015
Información

Desde finais da década dos 70 vimos asistindo a un rexurdir da nosa música popular, posto de manifesto no cada vez maior número de persoas que se dedica a este campo do noso acervo cultural, ben desde a interpretación, a recolleita, a investigación, o ensino…, ben desde a divulgación, a organización de mostras, festivais, xuntanzas, seminarios, etc. Todo este movemento puxo en valor unha parte da nosa cultura popular que a maioría do pobo descoñecía ou infravaloraba, e fixo posible que hoxe en día a música galega goce dun prestixio e un recoñecemento a nivel internacional.


Neste proceso tiveron un papel fundamental, aínda que non moi coñecido, os nosos artesáns, que grazas ao seu tesón, rigor e bo facer foron quen de construír cada vez mellores instrumentos e investigar na recuperación doutros que xa ficaban totalmente esquecidos. Non podemos deixar de mencionar figuras inesquecibles nesta arte como Faustino Santalices, Poceiro, Basilio Carril, Paulino Pérez, García de Riobó, Represas, Manuel Calvo (O peneireiro), José Seivane e Antón Corral entre outros. Todos eles tiveron sempre as portas dos seus obradoiros abertas á xente nova que quixo internarse no seu oficio ancestral, razón pola cal temos hoxe tantos e tan bos continuadores do seu legado.


O Consello da Cultura Galega, desde a Sección de Música e Artes Escénicas, consciente da importancia do seu labor, promove unha xornada en que se debaterá sobre a situación actual deste sector. O seu contido estrutúrase en catro relatorios de catro persoeiros de recoñecido prestixio neste ámbito, seguidos dunha mesa redonda para o debate e posterior coloquio co público. 


Inauguración
Data de celebración: 2015-11-13 16:30:00


Seivane no eido da gaita
Data de celebración: 2015-11-13 16:45:00

Álvaro Seivane

Álvaro Seivane, artesán de gaitas e membro dunha coñecida saga familiar de artesáns


Consciencia da zanfona na tradición musical galega
Data de celebración: 2015-11-13 17:05:00

Xaneco Tubío

Xaneco Tubío, artesán de zanfonas tradicionais e instrumentos de percusión


As frautas traveseiras na tradición musical galega
Data de celebración: 2015-11-13 17:25:00

Oli Xiráldez

Oli Xiráldez, artesán de gaitas e frautas


A busca do son nun modelo de zanfona contemporánea
Data de celebración: 2015-11-13 17:45:00

César Loureiro

César Loureiro, artesán de zanfonas e arpas


Mesa redonda e debate
Data de celebración: 2015-11-13 18:20:00
Os relatores debaten sobre a evolución dos instrumentos tradicionais galegos.

Hemeroteca
12-11-2015
Os artesáns falan dos instrumentos tradicionais nunha xornada do Consello da Cultura Galega
Ficha técnica
Coordinación
» Xosé V. Ferreirós
Relator/a
» César Loureiro
» Álvaro Seivane
» Xaneco Tubío
» Oli Xiráldez
Organiza
» Consello da Cultura Galega
» Sección de Música e Artes Escénicas (CCG)
Ver tamén en:
» Arquivo Sonoro de Galicia (CCG)
Participantes
»
»
»
»
»
Lugar de celebración

LUGAR
Consello da Cultura Galega
Pazo de Raxoi 2ºandar
Praza do Obradoiro, s/n
15705 Santiago de Compostela