consello da cultura galega

Teléfono: +34 981 957 202 | web@consellodacultura.org


Javier Moscoso no ciclo: O(s) Sentido(s) da(s) Cultura(s)
conferencia | Xoves, 11 de febreiro de 2016 ás 17:00
Información

Javier Moscoso, profesor de Investigación de Historia e Filosofía da Ciencia no Consejo Superior de Investigaciones Científicas (CSIC), participará nunha nova sesión do ciclo Os Sentidos das Culturas que terá lugar o xoves, 11 de febreiro de 2016, ás 17:00 horas baixo o título "Promesas incumplidas. Una historia cultural de la ambición".


Javier Moscoso é doutor en Filosofía pola Universidad Autónoma de Madrid. Durante os seus anos de formación, foi bolseiro pre-doutoral no Wellcome Institute for the History of Medicine, e posdoutoral no Instituto Max Planck de Historia da Ciencia en Berlín. Previamente foi bolseiro Fulbright no Departamento de Historia da Ciencia da Universidade de Harvard. Desde a súa chegada ao CSIC, dirixe o grupo de investigación HIST-EX (http://hist-ex.com/en/), que reúne a académicos, artistas e persoal biosanitario interesado na historia e na filosofía das experiencias e emocións humanas.


Ao longo da súa carreira, traballou en tres áreas principais: a historia das ciencias da vida no século XVIII, a historia dos signos e as singularidades na Europa Moderna e a historia da dor en Occidente entre os séculos XV e XX. O seu último libro, Historia cultural del dolor, publicouse en 2011 en Taurus, e en 2012 lanzou a súa tradución inglesa en Palgrave-Macmillan. A edición francesa, que acaba de recibir o premio Libr'à nous dos libreiros franceses, apareceu en outubro de 2015. O texto foi considerado polos críticos como un exemplo de historia cultural (Prof. Johanna Bourke) ou de humanidades médicas (Fay Bound, Medical History). Na actualidade prepara un novo libro, para Taurus e Palgrave, sobre as paixóns da modernidade, así como unha historia cultural dos dentes para Reaktion Books.


Durante os últimos anos, impartiu conferencias en todo o mundo, incluído o Instituto Europeo de Florencia, o Instituto Max Planck de Historia da Ciencia, Berlín, o Instituto Max Planck de Human Development, Berlín; a Universidade de Harvard, a Universidade de Illinois, a Universidade de Los Andes, Bogotá, o ETHZ de Zürich, a Universidade de Camberra (Australia), a Universidad de Tokyo, a École des Hautes Études, París, ou o Instituto de Historia da Medicina de Xenebra, entre outras. En abril de 2014 foi nomeado Visiting Professor na University of Washington en St. Louis, USA, e máis recentemente foi nomeado Georges Lurcy Visiting Professorship na University of Chicago.


Promesas incumplidas. Una historia cultural de la ambición
Data de celebración: 2016-02-11 17:00:00

Ramón Máiz Javier Moscoso






Javier Moscoso, profesor de Investigación de Historia e Filosofía da Ciencia no Consejo Superior de Investigaciones Científicas (CSIC)


Hemeroteca
10-02-2016
Javier Moscoso falará mañá sobre a ambición no ciclo O(s) Sentido(s) da(s) Cultura(s)
05-02-2016
Aberto o prazo de inscrición para a conferencia de Javier Moscoso no ciclo O(s) Sentido(s) da(s) Cultura(s)
Ficha técnica
Coordinación
» Ramón Máiz Suárez
Relator/a
» Javier Moscoso
Organiza
» Consello da Cultura Galega
» Sección de Pensamento e Sociedade (CCG)
Participantes
»
»
Lugar de celebración

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax 981 957 205