consello da cultura galega

Teléfono: +34 981 957 202 | web@consellodacultura.org


Libro «O tempo das mareas. María Casares e Galicia» de María Lopo
presentación | Na Casa Museo Casares Quiroga (A Coruña), xoves 14 de abril de 2016 ás 20:00
Información

O Consello da Cultura Galega e o concello da Coruña presentan o xoves 14 de abril ás 20:00 horas, O tempo das mareas. María Casares e Galicia, publicación que percorre en clave galega a biografía de María Casares.


Nela ofrécense materiais inéditos sobre a infancia coruñesa, a adolescencia madrileña, a xuventude exiliada e a madurez plena dunha das personalidades culturais máis interesantes e descoñecidas da Galicia contemporánea.


Na presentación detallarase o contido do libro, así como da relevancia de recuperar en clave galega a biografía dunha actriz sempre levou con orgullo e dignidade o seu ser de muller galega. A publicación fai énfase na relevancia da procedencia no desenvolvemento da súa profesión, así como da pegada que deixou no universo literario de Albert Camus. 


Asistirán: Ramón Villares, presidente do Consello da Cultura Galega; Xulio Ferreiro, alcalde da Coruña, do escritor Manuel Rivas e da autora da publicación, María Lopo.


 



Ficha técnica
Autoria
» María Lopo
Presenta
» Xulio Ferreiro
» Manuel Rivas
» Ramón Villares
Ámbito
» Comisión de Acción Exterior (CCG)
Lugar de celebración

LUGAR
Casa Museo Casares Quiroga
Rúa Panadeiras, 12
15001 A Coruña