consello da cultura galega

Teléfono: +34 981 957 202 | web@consellodacultura.org


Encontros monográficos co Patrimonio Cultural 9. A profesión arqueolóxica e o futuro
encontro | Martes, 31 de xaneiro de 2017
Información

A profesión arqueolóxica e o futuro dá comezo aos Encontros Monográficos co Patrimonio Cultural de 2017. Tras un ano de andaina, este ciclo de actividades continúa explorando diferentes proxectos que se levan a cabo en Galicia en materia de patrimonio cultural, xerando espazos de debate e reflexión, acollendo proxectos novos ou xa finalizados que, polo seu interese, excepcionalidade ou singularidade, demanden un debate público. Pero este ano queremos incorporar unha pata máis, explorar novos xeitos de facer o patrimonio público, con pequenas sesións de traballo que manteñan este mesmo espírito. Este encontro organízase con esta idea e recolle, ademais, algunhas das liñas de traballo analizadas nas xornadas de Arqueoloxía Galega a Debate, organizadas polo CCG en xuño de 2016.


O ano pasado, faciamos un chamamento público a quen quixera propoñer algunha temática para os Encontros. Esta é a primeira proposta que recibimos e virán outras. Neste caso, a actividade realízase en colaboración co Instituto de Ciencias do Patrimonio do CSIC e con Árbore Arqueoloxía.


Na primeira parte da actividade, Gerry Wait presentará o Chartered Institute for Archaeologists (CIfA: http://www.archaeologists.net/ ), unha organización con sede no Reino Unido, fundada en 1982 e que representa a máis de 3.500 traballadores do sector e que ten como obxectivo ordenar o exercicio da profesión, defendendo os intereses e condicións laborais dos seus membros, fixando un código deontolóxico, ou poñendo en marcha iniciativas de formación, por pór algún exemplos. De seguido, Miguel Lago falará sobre a situación da arqueoloxía portuguesa.


Na segunda parte da actividade trátase de crear un espazo de reflexión e traballo colectivo sobre a profesión arqueolóxica, o estado do sector en Galicia e España, e o futuro que queremos. Falamos todos do mesmo cando falamos de arqueoloxía? Temos problemas comúns e solucións comúns?



Público ao que se dirixe


O encontro está aberto aos diferentes axentes que traballan no eido da arqueoloxía pero tamén ao publico en xeral.


Presentación en España do Chartered Institute for Archaeologists (CIfA) do Reino Unido
Data de celebración: 2017-01-31 16:10:00
https://youtu.be/HZf1QCr9vUA

Presentación en España do Chartered Institute for Archaeologists (CIfA) do Reino Unido
Gerry Wait, director do Chartered Institute for Archaeologists e de Nexus Heritage


A profissão de arqueólogo em Portugal
Data de celebración: 2017-01-31 17:10:00
https://youtu.be/67j2VPFeols

A profissão de arqueólogo em Portugal
Miguel Lago, socio fundador de ERA Arqueología S.A.


Ficha técnica
Coordinación
» Rebeca Blanco Rotea
Relator/a
» Miguel Lago
» Gerry Wait
Colabora
Organiza
» Sección de Patrimonio e Bens Culturais (CCG)
Participantes
»
»
Lugar de celebración

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n 
15705. Santiago de Compostela
Tel.: 981 957 202 / Fax: 981 957 205