consello da cultura galega

Teléfono: +34 981 957 202 | web@consellodacultura.org


Ciberacoso: violencia de xénero e mocidade
xornada | Martes, 10 de outubro de 2017
Información

O que fai da violencia un fenómeno de inxustiza social e non só unha acción individual moralmente mala é o seu carácter sistemático, a súa existencia en canto práctica social.
(Iris Marion Young)


 


O pensamento feminista en xeral e os feminismos organizados en concreto contribuíron decisivamente a que a violencia contra as mulleres saíra do peor dos lugares, o da inexistencia produto do silenciamento. Rachar o silencio implica coñecer, deixar de mirar para outro lado, e permite abrir vías para afondar nas lóxicas sociais e culturais que estruturan a dita violencia. Atender as súas constantes, variacións e reactualizacións para poder intervir ata conseguir erradicala é un obxectivo necesario. Para iso, o esforzo por dotármonos de conceptos, termos e espazos de reflexión que permitan pensar, comprender e atender esta realidade en toda a súa complexidade foi e segue a ser fundamental.


As mozas sofren a violencia en diferentes contornas, na familiar, na escolar e tamén nas primeiras relacións afectivas. A reprodución de estereotipos sexistas, a comprensión do amor como dominación e control ou a “normalización” da cultura da violación fan necesario desenvolver ferramentas educativas e lexislativas que permitan previr e tratar todas as novas formas de violencia. As redes sociais e o ciberespazo poden devir en espazos de liberdade e transformacións e, tamén, en novas trampas para reproducir os modelos de submisión e violencia contra as mulleres.


Atendendo a isto, desde a Comisión de Igualdade do Consello da Cultura Galega consideramos importante contribuír ao debate social, e articulamos unha xornada que, desde unha óptica multidisciplinar, antropolóxica, educativa, xurídica, policial, entre outras, permita afondar na relación violencia e mocidade nas contornas vinculadas coas novas tecnoloxías. Propoñemos unha achega ás novas formas de violencia que, acotío e a través do ciberespazo, se traducen en formas de control e dominación sobre as mozas.


  


Imaxe da portada: Banksy (@thereaIbanksy). Agosto 29, 2014. pic.twitter.com/Q1dKwJHRi9


Presentación
Data de celebración: 2017-10-10 10:00:00


https://youtu.be/8j49TmQraJQ

Presentación
Ramón Villares, presidente do Consello da Cultura Galega
María Xosé Porteiro García, coordinadora da Comisión de Igualdade do CCG

Carme Adan Villamarín, coordinadora da Xornada


Novas formas de violencia contra as mulleres
Data de celebración: 2017-10-10 10:30:00


https://youtu.be/y4IpYOdZugQ

NOVAS FORMAS DE VIOLENCIA CONTRA AS MULLERES
Rita Laura Segato, profesora de Antropoloxía e Bioética na Cátedra UNESCO da Universidade de Brasilia
Presenta: Carme Adan Villamarín


Violencia de xénero na mocidade
Data de celebración: 2017-10-10 12:00:00
https://youtu.be/-ZPOoL8ZCuo

VIOLENCIA DE XÉNERO NA MOCIDADE
Presenta e modera: Xosé Manuel Pereiro, membro da Sección de Lingua, Literatura e Comunicación (CCG)

Paz Filgueira Paz, xuíza experta en violencia de xénero
Ana Torres Jack, psicóloga e orientadora educativa. Autora de Máis aló do azul e do rosa. Como previr a desigualdade de xénero e a violencia machista desde a familia


Ciberacoso
Data de celebración: 2017-10-10 16:30:00

CIBERACOSO
Presenta e modera: Ramón Máiz, coordinador da Sección de Pensamento e Sociedade do CCG

Sonia Rama, inspectora da Policía Nacional e investigadora da USC
Antonio Rial Boubeta, investigador


Mulleres con voz
Data de celebración: 2017-10-10 18:30:00

MULLERES CON VOZ
Presenta e modera: Carmen Cajide Hervés, membro da Comisión de Igualdade do CCG

Espazo de relatos de vida. Mulleres que, en primeira persoa, despois de vivir o silencio da violencia, comparten a palabra como forma de intervención e transformación.


Conclusións
Data de celebración: 2017-10-10 19:30:00


Conclusións
Carme Adán Villamarín e Nieves Santomé Couto, coordinadoras da xornada