Sesión da mañá
10:00 horas
Presentación
10:30 horas
Reboot: sociedade e tecnoloxía reiniciando as idades da comunicación
Intuicións e reflexións sobre os trazos distintivos da comunicación na súa prehistoria e na súa historia: a focalización en obxectos e ideas con fins asociativos e de construción social que ao longo do tempo se serviu da oralidade, a escritura, as industrias culturais e ultimamente, aínda que non como final senón como reinicio, das tecnoloxías dixitais socializadas.
DANIEL MARTÍ PELLÓN. Profesor da Universidade de Vigo, Facultade de Ciencias Sociais e da Comunicación. Especialista en comunicación e estratexias de construción de discursos.
11:30 horas
Pausa
12:00 horas
Hello World. Arte nun contexto post-Internet
A partir do xurdimento de Internet –e inmersos nun irreversible proceso de dixitalización–, vivimos nun mundo moldeado polos algoritmos de intelixencia artificial, o diñeiro electrónico ou o Big Data. Neste novo contexto, máis alá do soporte elixido polos artistas, xa podemos afirmar que toda a arte actual é post-Internet. A tecnoloxía xa non pode ser considerada como unha ferramenta de produción, senón como a contorna dentro da cal a obra se produce.
GUSTAVO ROMANO. Artista visual e comisario. Desviando da súa función habitual obxectos de uso diario ou mecanismos tecnolóxicos, reflexiona sobre a rutina e o rol do suxeito na sociedade de control fortalecida polas novas tecnoloxías da información. En 1995 funda o sitio web Fin del Mundo, unha das primeiras plataformas de exhibición e difusión da net art en Iberoamérica. Responsable do proxecto NETescopio, arquivo de obras de arte na rede do MEIAC de Badaxoz.
Sesión da tarde
17:00 horas
Volver onde nunca estivemos
Unha historia particular: a sociedade, a arte e eu imos cumprindo anos.
(Lamento o do eu pero o narcisismo está aquí para quedar).
BORJA CASANI. Periodista e editor, fundador e director da galería Moriarty e de revistas como La Luna de Madrid e Sur Exprés. Desde 1994 dirixe o selo musical El Europeo-Música, especializado en flamenco, jazz e canción de autor. Actualmente é editor executivo da revista El Estado Mental, un proxecto multiplataforma de observación, creación, acción e outras cousas terminadas en -ón, con vocación colectiva, aberto a todo tipo de propostas afíns, producido e coordinado por un grupo de editores, escritores, artistas e periodistas desde Madrid e Barcelona, así como desde outras cidades de Europa, América Latina, Estados Unidos e Asia.
18:00 horas
Coloquio
Modera: Asunta Rodríguez
Daniel Martí Pellón
Gustavo Romano
Borja Casani
