consello da cultura galega

Teléfono: +34 981 957 202 | web@consellodacultura.org


Os intelectuais galegos e o franquismo
mesa redonda | Pontevedra, xoves, 6 de outubro de 2011 ás 20:00
Información

O Sexto Edificio do Museo de Pontevedra acollerá o xoves, 6 de outubro ás 20:00 horas, unha nova edición dos Faladoiros Cunqueiro reflexionando sobre a relación entre Os intelectuais galegos e o franquismo. Para iso cóntase coa participación de catro destacados especialistas na época: Xosé Fortes, ex-militar, profesor e escritor, Olivia Rodríguez, especialista na vida e obra de Vicente Risco, o investigador Luís Cochón e o catedrático de Literatura Galega Xesús Alonso Montero.


"A tertulia de Mansur é ás tardiñas, e tenden os criados toldo riscado e traen coxíns e almofadas, e van servindo o chá con menta. Os tertulios son os ditos pilotos que non andan na ocasión no mar, e máis o noso Sinbad, e os forasteiros que se acheguen, que cáseque sempre son xente mariñeira. (…) Na tertulia ponse Sinbad en duas almofadas no medio e medio da roda, e deixa que os outros vaian sacando novidás, e si falan de terras que esteñan de cerca, a dez días ou vinte de mar, ou de sucesos da vila ou do propio país de Bolanda, entón non dí nin verba, pro tan axiña como amosa aos beizos de calisquera dos presentes o nome dun país ou de illa, ou de nación de máis alá de Canbetún e Columbo, entón apreixa os xoenllos coas mans, e repite en voz alta o nome lonxano, e xa saben todos que vai falar Sinbad dunha viaxe sua, dunha descoberta famosa, dunha rara aventura, de costumes non usadas."


Si o vello Sinbad volvese ás illas…
Galaxia, 1961


Hemeroteca
07-10-2011
A militancia falangista de Álvaro Cunqueiro polarizou o Faladoiro de Pontevedra e as intervencións de Alonso Montero, Xosé Fortes, Luís Cochón e Olivia Rodríguez
Ficha técnica
Coordinación
» Henrique Monteagudo
Participante
» Xesús Alonso Montero
» Luís Cochón
» Xosé Fortes Bouzán
» Olivia Rodríguez González
Colabora
Organiza
» Consello da Cultura Galega
Lugar de celebración

LUGAR
Sexto Edificio do Museo de Pontevedra
Rúa Padre Amoedo Carballo, 3
36002 Pontevedra