queremos convidarte

A unha iniciativa para que os nenos e nenas enchades coas vosas voces a Praza da Quintana de Santiago de Compostela o 7 de xuño de 2013, cantando catro poemas emblemáticos de Rosalía de Castro e facéndoa moi coñecida en todo o mundo. De feito, Sabías que Rosalía de Castro é unha das autoras galegas con máis poemas musicados.

PROTAGONISTAS

As nenas e nenos do coro

As nenas e nenos que participan na actividade pertencen aos CMUS Profesionais da Coruña,
Ferrol, Lugo, Ourense, Pontevedra, Santiago de Compostela e Vigo e aos coros do CPI Tomás
de Lemos, Nenos Cantores da Capela Madrigalista e Orfeón Unión Ourensana.

As OBRAS

Partituras
Poema

maio longo

Xosé Baldomir

Follas Novas

Partituras
Poema

Rosa de abril

Andrés Gaos

Cantares Gallegos

Partituras
Poema

en cornes

Octavio Vázquez

Cantares Gallegos

Partituras
Poema

negra sombra

Juan Montes

Follas Novas

OS COMPOSITORES

Xosé Baldomir

Nado na Coruña en 1867, este músico e compositor foi discípulo do mestre Marcial Torres del Adalid e coñecido principalmente polas súas producións para canto e piano sobre textos de poetas galegos. Exerceu como director dos orfeóns O Eco e O Brigantino, da orquestra So-ciedad Bretón de los Herreros, dos coros e orquestra das Hijas de María e durante máis de trinta anos desempeñou a clase especial de conxunto e masas corais da Escola de Belas Artes da Coruña. En 1906, iniciou unha longa xira por numerosas cidades de España, Portugal e Francia, o que contribuíu á difusión dos máis insignes poetas galegos. Foi nomeado académico de número da Academia Provincial de Belas Artes (1905), académico correspondente da Real Academia de Belas Artes de San Fernando (1922) e numerario da Real Academia Galega en 1941, onde ocupou a vacante do crítico de arte e notable folclorista lugués Indalecio Varela Lenzano. Entre as súas composicións salienta a ópera A Virxe do Cristal, sobre o texto adaptado por Cabanillas- da lenda de Curros Enríquez; a zarzuela Santos e meigas, con libreto de Linares Rivas, que alcanzou no teatro madrileño da Zarzuela 137 representacións consecutivas; e máis de 40 melodías que adoitan interpretarse tanto na versión de voz e piano coma na coral sobre poemas de autores senlleiros como Rosalía de Castro, Eduardo Pondal, Ramón Cabanillas ou Curros Enríquez.

Fonte: Gran Enciclopedia Galega

Octavio Vázquez

Octavio Vázquez (Santiago de Compostela, 1972) estudou no Conservatorio Adolfo Salazar e no Real Conservatorio Superior de Música de Madrid; e, posteriormente, no Peabody Conservatorio da Johns Hopkins University en Baltimore e na Universidade de Maryland, College Park. Desde 1999 reside na cidade de Nova York, pero mantén unha ampla relación con Galicia xa que recibe encargos da Orquestra Sinfónica de Galicia, da Real Filharmonía, do Xacobeo Classics 2010 e doutras entidades, ao tempo que participa en festivais internacionais destacados.

Fonte: Gran Enciclopedia Galega

Juan Montes

Compositor, organista e director de banda e orfeóns, naceu en Lugo en 1840. De formación musical autodidacta, estudou no Seminario da cidade dende 1850 a 1863, cando renunciou á carreira sacerdotal para dedicarse de cheo á súa vocación musical. Gran coñecedor da mú-sica popular e dos estudos de Inzenga, Antonio Noguera e Eduardo Ocón, colabora como fol-clorista na recollida de contos populares con Casto Sampedro e Felipe Pedrell, nos seus res-pectivos Cancionero musical de Galicia e Cancionero musical popular español. Pianista habitual nos círculos culturais de Lugo, en 1876 reorganiza, por encargo do Concello, a banda muni-cipal e crea en 1879 o Orfeón Lucense, que, xa en 1887, cambia o seu nome polo de Orfeón Gallego. A partir de aí comeza unha carreira brillante de recoñecementos -como compositor e como director do orfeón- e multiplícanse os premios en certames musicais de toda España. Como compositor, cómpre citar, ademais dunha prolífica produción relixiosa, as obras base-adas na música popular e nos poemas de autores galegos, entre as que salientan as Baladas gallegas para canto e piano, as seis alfaias máis estimables de Montes.

Fonte: Gran Enciclopedia Galega

Lugar

PRAZA DA QUINTANA

7 de xuño de 2013 ás 18:00 horas
Santiago de Compostela