O Concello de Muros promove o uso do galego no ámbito da hostalaría
25/9/2008
O Servizo de Normalización Lingüística do Concello de Muros está a desenvolver, baixo o lema “Nós, en galego”, unha campaña de dinamización lingüística no ámbito da hostalaría na que participan 25 empresas hostaleiras do municipio.
Grazas a esta iniciativa os menús de todos os locais colaboradores poden consultarse agora en tres linguas (galego, castelán e inglés). Ademais, o concello facilitoulles tamén aos hostaleiros/as diferente material de promoción (como chisqueiros, pousavasos, bolígrafos....) cos que agasallar á clientela e, ao mesmo tempo, promover o uso do galego no sector.
Iniciativas similares foron desenvolvidas con anterioridade noutros concellos como, por exemplo, Ribadeo ou Ames.
Centro de Documentación Sociolingüística de Galicia (CCG)
