No artigo 13 deste decreto regúlase o tratamento das linguas oficiais, sinalando que nesta etapa educativa “o profesorado usará na aula a lingua materna predominante entre o alumnado, terá en conta a lingua do contorno e coidará que o alumnado adquira de forma oral e escrita o coñecemento da outra lingua oficial de Galicia, dentro dos límites propios desta etapa”.
A diferenza do regulamentado para a educación infantil no Decreto 124/2007, na nova normativa non se establecen porcentaxes mínimas de uso de galego nos contextos castelán falantes nin se fai referencia ao especial fomento da adquisición da lecto-escritura en lingua galega.
Centro de Documentación Sociolingüística de Galicia (CCG)
