----

A nosa compra, en galego

O Servizo de Normalización Lingüística do Concello da Coruña organiza a campaña “A nosa compra, en galego”, que ten como obxectivo promover entre os/as usuarios/as e os/as comerciantes dos mercados o uso da lingua galega, así como achegar o léxico galego dos produtos que normalmente están á venda nun mercado.

Con esta finalidade, o Servizo de Normalización Lingüística, coa colaboración da Federación Galega de Comercio, elaborou o Dicionario ilustrado do comercio, un caderno que ademais do léxico máis frecuente na actividade dos mercados, contén follas en branco que permiten elaborar a listaxe da compra.

Como actividades complementarias, organizaranse tamén diferentes actuacións artísticas e culturais nos recintos dos mercados.

Se desexa máis información, prema aquí.