>
Idiomas: Español / English
Pazo de Raxoi, 2º andar
15705 Santiago - A Coruña
Tel.: +34 981957202
Directorio de contactos
Concluíron as xornadas sobre as boas prácticas na conservación e protección do Patrimonio Cultural Material-Inmaterial Galego
15/05/2012
Baixa o PROGRAMA

A reflexión sobre o valor crítico dos Bens Culturais e a súa formulación, conservación e protección orientou as dúas xornadas de debate que sobre o patrimonio cultural galego convocou os días 11 e 15 de maio o Consello da Cultura Galega, en sesións de mañá e tarde. Organizadas pola Sección de Patrimonio e Bens Culturais, que coordina Iago Seara Morales, as xornadas reuniron expertos de Galicia, Andalucía, Aragón, Madrid e Valencia e continuaron outros encontros que sobre esta temática acolleu o Consello da Cultura en 2008 e 2011. As xornadas reclamaron un inventario oficial do patrimonio e subliñaron a necesidade de non separar o inmaterial do material, "caras dun mesmo poliedro", en expresió do profesor Marcial Gondar.

A primeira xornada centrouse no tema “A autenticidade e as boas prácticas na conservación do patrimonio cultural: os inventarios e catálogos, instrumentos para a conservación e protección do patrimonio cultural galego”. Falouse moito da conveniencia de considerar a sensibilidade social nesta materia sen descoidar a importancia da imprescindible regulación administrativa e o desempeño e o compromiso dos profesionais.

Interviron: María García Alén, restauradora; Román Fernández-Baca Casares, director do Instituto Andaluz del Patrimonio Histórico; Gonzalo Borrás Gualis, catedrático emérito de Historia da Arte na Universidad de Zaragoza; Silvia Fernández Cacho, xefa do Centro de Documentación e Estudos do Instituto Andaluz del Patrimonio Histórico; e María Diz e Ignacio Cerrada, Subdirectora Xeral de protección do patrimonio cultural e Xefe do Servizo de planemanento e inventario da Xunta de Galicia, respectivamente.

O PATRIMONIO CULTURAL ESPIRITUAL

O 15 de maio, o debate versou sobre “O patrimonio cultural espiritual: unha posición entre o patrimonio inmaterial e o patrimonio material”. O profesor Marcial Gondar chamou a atención sobre o feito de que inmaterial e material son relacións que deben ser debidamente contexualizadas e aludiu ao concepto de patrimonio como estratexia. "Unha estratexia como a da identidade, que conxuntamente forman unha unidade complexa", argumentou. As sesións serviron tamén para coñecer o Atlas do Patrimonio Inmaterial Andaluz, iniciado en 2008 e que presentou a súa coordinadora Gema Carrerra.

Interviron: Iago Seara Morales, coordinador da Sección de Patrimonio e Bens Culturais e profesor da Escola Técnica Superior de Arquitectura da Universidade da Coruña; Marcial Gondar, catedrático de Antropoloxía da Universidade de Santiago de Compostela; María Pía Timón Tiemblo, coordinadora do Plan Nacional de Salvagarda do Patrimonio Cultural Inmaterial (Instituto do Patrimonio Cultural de España); Luís Pablo Martínez, coordinador das candidaturas UNESCO do Palmerar d´Elx e da Festa o Misteri d´Elx; Tomás Rodríguez Fernández, arqueólogo da Dirección Xeral do Patrimonio Cultural da Xunta de Galicia, e Gema Carrera Díaz, coordinadora do Atlas do Patrimonio Inmaterial Andaluz. Manuel Vilar moderou a mesa redonda que cerrou as xornadas.

As xornadas foron inauguradas polo presidente do CCG, Ramón Villares, acompañado polo Director Xeral de Patrimonio da Xunta de Galicia, Xosé Manuel Rey Pichel, e por Iago Seara.

imprimir enviar por correo electrÓnico
COMPARTIR
INFORMACIÓN
Autoria
Modera
Organiza
Participante
Presenta
Organización
Sección de Patrimonio e Bens Culturais
Lugar de celebración
ORGANIZA: SECCIÓN DE PATRIMONIO E BENS CULTURAIS VENRES 11 E MARTES 15 DE MAIO DE 2012 CONSELLO DA CULTURA GALEGA Santiago de Compostela

NOTICIAS RELACIONADAS

Concluíron as xornadas sobre as boas prácticas na conservación e protección do Patrimonio Cultural Material-Inmaterial Galego
Santiago de Compostela, 2012-05-15 00:00:00

ÚLTIMAS NOTICIAS

O presidente do Consello da Cultura Galega recibe a proposta do Plan de dinamización da lingua galega no tecido económico
Santiago de Compostela, 2015-04-18 16:19:40

Unhas xornadas analizan a dixitalización nas institucións da memoria
Santiago de Compostela, 2015-04-17 13:21:37

A coreógrafa Ana Abad Carlés falará da desaparición das mulleres na danza no ciclo O(s) Sentido(s) da(s) Cultura(s)
Santiago de Compostela, 2015-04-15 09:47:36

A vicepresidenta do Consello da Cultura Galega participa no I Encontro Brasileiro de Estudos Galegos
Santiago de Compostela, 2015-04-12 11:05:35

O Consello da Cultura Galega reedita Os nenos, obra literaria de Filgueira Valverde que dá as claves do seu contexto
Santiago de Compostela, 2015-04-10 14:43:18

Aberto o prazo de recepcion de papers para o primeiro Mateus DOC- Galicia
Santiago de Compostela, 2015-04-09 13:49:08

O Consello da Cultura participa no XI congreso da Asociación de Estudos Galegos que comeza mañá en Arxentina
Santiago de Compostela, 2015-04-05 11:40:09

Divulgación »

O emprego cultural en Galicia
OBSERVATORIO DA CULTURA GALEGA

Podes consultar e descargar o informe O emprego cultural en Galicia
Divulgación »

Documentación »

ARQUIVO DA EMIGRACIÓN GALEGA
A Casa-escola de Entenza, construída polos emigrantes da parroquia en Arxentina

A Sociedade "Fomento y Educación Hijos de Entienza" en Arxentina, creada en 1920, tiña como lema "fomento, educación y ayuda mutua".
Sen esquecerse dos seus parroquianos, nos anos 20 do pasado século, mandaron cartos para construír un cemiterio na súa vila natal.
Logrado este proxecto, centráronse na construción dun moderno edificio escolar para que os nenos e nenas da parroquia accederan á educación. Ademais nun amplo salón, habilitouse unha biblioteca para todos os veciños. A casa-escola foi inaugurada en 1932.
Actualmente o edificio, moi modificado tras a súa rehabilitación en 1996, funciona como centro sociocultural a disposición dos veciños.
Divulgación »

Ángel Jorge Echeverri

1904 - 1984. Un continuador da escola de Anatomía de Rodríguez Cadarso

MAPA INTERACTIVO

MAPA INTERACTIVO »
Equipamentos culturais
MAPA INTERACTIVO »

MAPA INTERACTIVO

As escolas da Emigración
Recuperación do legado educativo da emigración

ROTEIROS

ROTEIROS »
Roteiros da Cultura
Viaxes temáticas a redor do noso territorio
  • O Mapa Cultura Galego é un amplo directorio de equipamentos e infraestruturas culturais en toda Galicia, xeolocalizadas