----

Setecentas persoas en Pontevedra no II Concerto "Día das Letras Galegas" organizado polo Consello da Cultura coa Real Filharmonía de Galicia, a Polifónica e o Coro "M. Quiroga"

Setecentas persoas asistiron ao II Concerto "Día das Letras Galegas" organziado polo Consello da Cultura Galega no Pazo da Cultura de Pontevedra. Foi o mércores 16 de maio ás 21 horas, con entrada libre e gratuíta, e contou coa Real Filharmonía de Galicia dirixida por Maximino Zumalave e acompañada pola Sociedade Coral Polifónica e o Coro Académico do Conservatorio Profesional “Manuel Quiroga” de Pontevedra. Na sesión estreáronse as obras “Cantata das cantigas”, de Roxelio Groba, e “Caderno de bitácora de Valentín Paz Andrade”, de Juan Durán. Entre outras autoridades asistiron o Alcalde de Pontevedra, Miguel Anxo Fernández Lores; a Presidenta do Parlamento de Galicia, Pilar Rojo Noguera; o Secretario Xeral de Cultura, Anxo Lorenzo, e o Director Xeral de Política Lingüística, Valentín García Gómez.

Foi o mércores 16 de maio ás 21 horas, con entrada libre e gratuíta, e contou coa Real Filharmonía de Galicia dirixida por Maximino Zumalave e acompañada pola Sociedade Coral Polifónica e o Coro Académico do Conservatorio Profesional “Manuel Quiroga” de Pontevedra Na sesión estreáronse as obras “Cantata das cantigas”, de Roxelio Groba, e “Caderno de bitácora de Valentín Paz Andrade”, de Juan Durán Entre outras autoridades asistiron o Alcalde de Pontevedra, Miguel Anxo Fernández Lores; a Presidenta do Parlamento de Galicia, Pilar Rojo Noguera; o Secretario Xeral de Cultura, Anxo Lorenzo, e o Director Xeral de Política Lingüística, Valentín García Gómez

Máis de cen cantores e corenta músicos ocuparon o escenario do Pazo da Cultura de Pontevedra nun concerto que homenaxeou a lírica e a música galegas. O programa ofreceu dúas “Cancións xacobeas” (“Maria Soliña” e “Moi lonxe”) compostas por Antón García Abril sobre poemas de Celso Emilio Ferreiro (Celanova, 1912-Vigo, 1979).

Seguiralle o “Caderno de bitácora de Valentín Paz Andrade. Esta partitura, que incluiu o recitado polo actor Xosé Barato, foi composta, a pedimento do Consello da Cultura Galega, expresamente para este concerto por Juan Durán en homenaxe a Valentín Paz Andrade (Pontevedra, 1898-Vigo, 1987), figura senlleira escollida este ano pola Real Academia Galega para a celebración do Día das Letras Galegas.

E finalmente a “Cantata das cantigas” creada por Roxelio Groba en 2007, partindo de poemas populares do libro “Antífona da cantiga”, de Ramón Cabanillas (Cambados, 1876-1959).

O Plenario do Consello da Cultura Galega decidiu en 2011 organizar anualmente un concerto conmemorativo do Día das Letras Galegas. O primeiro tivo lugar o 17 de maio dese ano e celebrouse na igrexa de San Domingos de Bonaval, en Santiago de Compostela. Nesta segunda edición a primeira institución cultural de Galicia conta coa especial colaboración do Concello de Pontevedra e do Consorcio de Santiago de Compostela.

O concerto fora presentado o venres 11 de maio nunha conferencia de prensa polo Alcalde de Pontevedra, Miguel Anxo Fernández Lores, o presidente do Consello da Cultura Galega, Ramón Villares, e o director da orquestra Maximino Zumalave. O Alcalde Lores agradeceu a oportunidade de Pontevedra acoller a segunda edición deste concerto. Villares lembrou a feliz coincidencia de ser a cidade o lugar natal de Valentín Paz Andrade e contar cunha destacada traxectoria musical e coral. Maximino Zumalave aludiu á importante significación da música na vida social e cultural dos pobos.

Conectate o Consello da Cultura Galega en Facebook, Twitter ou comparte esta nova:

Outras noticias que te poden interesar: