----

XI Encontros para a Normalización Lingüística

O Consello da Cultura Galega organiza a XI edición dos Encontros para a Normalización Lingüística co ánimo de poñer, un ano máis, ao dispor dos principais axentes sociais implicados na normalización do idioma galego este foro de debate e reflexión arredor do proceso de planificación lingüística en Galicia.

O momento político no que nos atopamos, de final dunha lexislatura e ás portas doutra nova, esixe un alto no camiño, tanto para botar a vista atrás e avaliar a política lingüística desenvolvida polo Goberno galego nestes últimos catro anos como para que agromen novas propostas e ideas que alumeen as accións políticas futuras. A estas cuestións dedicaremos a primeira das dúas xornadas, na que tamén se reflexionará sobre a lexislación lingüística de recente aparición, así como sobre o argumentario xurídico que avala a intervención pública en cuestións de idioma no ámbito privado.

A segunda xornada, cun enfoque máis sociolóxico, centrarase nos seguintes temas: as canles de participación social nas políticas lingüísticas institucionais, a integración sociolingüística e cultural dos inmigrantes e emigrantes retornados e a socialización en lingua galega nos centros galegos do exterior. Como novidade, os Encontros pecharanse nesta ocasión cunha sesión lúdica que nos presentará unha visión orixinal do camiño andado e por andar cara á plena normalización social do idioma galego, obxectivo que inspira a organización deste evento desde o seu comezo.



<strong>OBXECTIVOS</strong>
- Contribuír ao estudo, á reflexión e ao debate sobre a planificación lingüística en Galicia
- Constituír un punto de encontro, análise e debate para todos aqueles profesionais que desenvolven o seu labor nos diferentes servizos de normalización lingüística e servizos lingüísticos existentes en Galicia
- Colaborar na formación continua de especialistas en planificación lingüística


<strong>DESTINATARIOS/AS</strong>
- Técnicos/as de normalización lingüística que están a desenvolver o seu labor nos diferentes servizos de normalización lingüística e servizos lingüísticos existentes en Galicia
- Especialistas e estudosos/as do ámbito da planificación lingüística

<strong>IMPORTANTE: PRAZAS ESGOTADAS</strong>

<strong>DATOS BÁSICOS:</strong>

<strong>Materiais</strong>: <a href="http://consellodacultura.org/files/2009/01/programa_xi_encontros.pdf">Folleto en pdf</a>
Santiago de Compostela, 12 e 13 de febreiro

<strong>Inscrición</strong>: <a href="http://consellodacultura.org/?page_id=782">Inscríbase aquí</a>
<strong>Tel. Información</strong>: 981 957 209
<strong>Lugar de celebración</strong>: Salón de Actos do Consello da Cultura Galega


<strong>Ver localización:</strong>
<iframe width="425" height="350" frameborder="0" scrolling="no" marginheight="0" marginwidth="0" src="http://maps.google.com/maps/ms?ie=UTF8&amp;hl=es&amp;t=h&amp;om=1&amp;s=AARTsJp1Lht5ls62cgNOKdTQHCwEpbO3zw&amp;msa=0&amp;msid=115300438092494595390.00043db47916cc6ac8250&amp;ll=42.880685,-8.546156&amp;spn=0.001376,0.00228&amp;z=18&amp;output=embed"></iframe><br /><a href="http://maps.google.com/maps/ms?ie=UTF8&amp;hl=es&amp;t=h&amp;om=1&amp;msa=0&amp;msid=115300438092494595390.00043db47916cc6ac8250&amp;ll=42.880685,-8.546156&amp;spn=0.001376,0.00228&amp;z=18&amp;source=embed">Ver mapa máis grande</a>