O Servizo de Normalización Lingüística do Concello de Oroso convoca unha nova edición do concurso de receitas de Entroido “En galego sabe mellor”. As receitas deben ser típicas do Entroido e estar redactadas en lingua galega.
O prazo de entrega remata o 5 de febreiro de 2013, ás 14:00 h. Con posterioridade, no día sinalado pola organización, os participantes deberán presentar tamén o prato cociñado. A persoa gañadora será premiada cunha cea para dúas persoas nun restaurante do concello e ao/á finalista entregaráselle un libro de cociña.
