NOTICIA

----

O CCG PRESENTA ACHADOS DOCUMENTAIS QUE ABREN NOVAS PERSPECTIVAS SOBRE O PADRE SARMIENTO

Afonso Zulueta, Presidente do Consello da Cultura Galega e Henrique Monteagudo, secretario da institución e coordinador do Proxecto Sarmiento, presentaron o luns, 26 de agosto ás 12:00 h. no Salón de Actos da institución os últimos achados documentais que realizou este último no Arquivo da Orde Benedictina no mosteiro de Santo Domingo de Silos (Burgos).

Os achados corresponden ó orixinal manuscrito do único libro de tema relixioso coñecido ata o momento dentro da extensa bibliografía do Padre Sarmiento, titulado "Motivos legais que reverentemente expone a la alta censura la Congregación Benedictina de estos reinos". Xunto a el, atopouse o manuscrito orixinal doutro libro de tema teolóxico descoñecido ata o momento, escritopolo frade arredor de 1742 e asinado de xeito anónimo, titulado: "La Iglesia Romana es la católica columna y fundamento de la verdad". Este achado modifica a perspectiva que os expertos tiñan sobre a obra de Sarmiento, quen semellaba non ter abordado a temática relixiosa na súa obra.

O arquivo do mosteiro de Santo Domingo de Silos tamén atesoura outros documentos escritos polo Padre Sarmiento, descoñecidos ata o momento. Entre eles, algunhas das súas primeiras obras, de tipo satírico.