O Congreso analizará a política, a literatura, o xornalismo e a comunicación audiovisual, as artes plásticas e a arquitectura, a música, o ensino, a figura de Castelao como referente indispensable, e os diferentes destinos dos exiliados. No Congreso participarán destacadas figuras do pensamento, da investigación histórica e protagonistas dun dos momentos máis decisivos da historia da Galicia do século XX.

Entre eles, Ramón Villares, Xosé Ramón Barreiro, Dionisio Pereira, Enrique Líster, Xesús Alonso Montero, Víctor F. Freixanes, Francisco Fernández del Riego, Antón Patiño, Xosé María Paz Gago, Isaac Díaz Pardo ou Kathleen March.

O sábado 29, o auditorio de O Castro, en Sada, será a sede dun acto de homenaxe ós exiliados e presentarase o Repertorio Biobibliográfico do exilio galego, un proxecto do Arquivo da Emigración Galega que recolle 2141 rexistros de homes e mulleres que participaron no éxodo galego do 36. O Repertorio estará dispoñible para libre descarga a partir do venres na web do Consello da Cultura Galega (http://www.consellodacultura.org).