A mostra, organizada pola Sección de Antropoloxía Cultural do Consello da Cultura Galega e a Consellería de Cultura, a través do Museo Etnolóxico de Ribadavia, recolle a situación e as condicións de vida nas que se atopaban os galegos que emigraban a Castela dun xeito temporal, para realizar as tarefas da sega que outros non querían facer.
Despois de estar no Museo Etnolóxico de Ribadavia ata o mes de setembro e agora no Museo do Pobo Galego ata decembro, o seu próximo lugar de emprazamento será o Museo Histórico - Provincial de Lugo.