Os achados corresponden ó orixinal manuscrito do único libro de tema relixioso coñecido ata o momento dentro da extensa bibliografía do Padre Sarmiento, titulado "Motivos legais que reverentemente expone a la alta censura la Congregación Benedictina de estos reinos". Con el, a Orde Benedictina pretendía disuadir ó Rei da súa pretensión de nomear directamente ós abades dos mosteiros da Orde. O texto non está asinado para protexer ó autor e darlle un carácter oficial.

Xunto a el, atopouse o manuscrito orixinal doutro libro de tema teolóxico descoñecido ata o momento, escritopolo frade arredor de 1742 e asinado de xeito anónimo, titulado: "La Iglesia Romana es la católica columna y fundamento de la verdad". Este achado modifica a perspectiva que os expertos tiñan sobre a obra de Sarmiento, quen semellaba non ter abordado a temática relixiosa na súa obra.

Búsqueda en Nova York

O seguinte paso do Proxecto Sarmiento será a investigación dos fondos da Hispanic Society, en Nova York, no mes de setembro. Henrique Monteagudo sinalou que "sabemos que alí existen manuscritos de Sarmiento, pero aínda ninguén os veu". O investigador agarda atopar novos documentos do autor nos fondos deste arquivo.