Ignacio Cerrada defendeu logo os seus criterios no curso dunha mesa redonda na que interviron tamén: Marcial Gondar, catedrático de Antropoloxía Social da Universidade de Santiago de Compostela; Teresa Nieto, Arquitecta do Servizo de Patrimonio Cultural da Xunta de Galicia; Daniel Pino, sociólogo e urbanista, e Antón Pombo Rodríguez, membro do Comité do Camiño de Santiago. O panel foi moderado por Iago Seara, coordinador da Sección de Patrimonio e Bens Culturais do Consello da Cultura Galega.
Fronte a algunhas análises críticas sobre a desprotección dos Camiños de Santiago, expresadas por Teresa Nieto e as reservas de Antón Pombo, Daniel Pino e Marcial Gondar, Ignacio Cerrada reafirmouse nos seus argumentos a favor dunha protección “realista e cooordinada que teña en conta a funcionalidade” e apelou ao diálogo como método para ir cumprindo obxectivos con criterios de “positividade”.