O acordo asinado inclúe a realización por parte do Consello da Cultura Galega do audiovisual ”50 anos do proceso de normalización lingüística”, os XV Encontros para a Normalización Lingüística -xornadas de reflexión e debate organizadas anualmente polo Centro de Documentación Sociolingüística do CCG, este ano os vindeiros 18 e 19 de abril- e a elaboración dun libro sobre a lingua e a cultura galega en Cuba, “Galicia en Cuba”, que recolle diferentes colaboracións do escritor e académico Xosé Neira Vilas.

O orzamento das actividades a desenvolver ascende a 34.500 euros, dos que a Consellería de Cultura, Educación e Ordenación Universitaria, a través da Secretaría Xeral de Política Lingüística, aportará trinta mil euros e o Consello da Cultura Galega os 4.500 euros restantes.

Ao acto, celebrado na Biblioteca do Consello da Cultura Galega, asistiron tamén o Secretario Xeral de Política Lingüística, Valentín García Gómez, e o coordinador do Centro de Documentación Sociolingüística de Galicia, Henrique Monteagudo.