----

Lingua Viva, proposta de intervención no ámbito educativo

A Coordinadora Galega de ENDL presenta, na súa renovada páxina web, o proxecto Lingua Viva, unha proposta de normalización lingüística interdisciplinar que implica a toda a comunidade educativa (alumnado, profesorado, familias e persoal non docente). A proposta ten como modelo o traballo desenvolvido no IES Perdouro de Burela no ámbito da compilación e difusión do patrimonio documental popular. A Coordinadora de ENDL convida a comunidade educativa a desenvolver o modelo, na súa totalidade ou nalgunha das fases, nos diferentes centros de ensino.