----

Vigo promove a improvisación oral

O Concello de Vigo crea o Centro de Interpretación da Oralidade de Vigo (CIOV), un novo espazo que nace co obxectivo de promover e divulgar a improvisación oral en lingua galega. As actividades que se desenvolverán no CIOV a partir da vindeira semana serán, entre outras, cursos de formación en improvisación oral (narrativa e poesía), obradoiros, contadas, regueifadas e slams. Para ampliar esta información ou inscribirte nalgunha destas actividades, debes poñerte en contacto co Servizo de Normalización Lingüística do Concello de Vigo.