----

Cultura, Arquitectura e Identidade: A arquitectura desde Galicia

Conéctate co Consello da Cultura Galega en Facebook, Twitter ou comparte esta nova:

<strong>AS PRAZAS ESTÁN ESGOTADAS</strong>
<em>Máis información no tel. <strong>981 957 210</strong></em>

Seguindo a liña das actividades desenvolvidas durante os últimos tres anos dentro do proxecto Cultura, arquitectura e identidade da Sección de Arquitectura do Consello da Cultura Galega coas experiencias Vasco-Navarra, Cataluña, Madrid, Azores ou Andalucía,entre outras, conclúese co achegamento reflexivo das xornadas A arquitectura desde Galicia, complementando, así mesmo, as iniciativas anteriores de análise e estudo da creación arquitectónica desde as diversas áreas culturais galegas, nun recoñecemento e visibilidade do labor dos diferentes autores que traballan nesas terras. Entendendo a arquitectura como unha parte significativa e implicada na construción da cultura dos pobos, nestas xornadas implicamos a significativos profesionais do noso territorio, invitando a participar neste proxecto a un recoñecido grupo de autores que presentarán unha reflexión crítica sobre a súa obra, proxectos e traxectoria. Andrés Fernández-Albalat, César Portela, Manolo Gallego, Celestino García Braña, Xosé Manuel Casabella, Iago Seara, Fernando Blanco, Alberto Noguerol e Pilar Díez, Alfonso Penela ou Alfredo Freixedo e as xeracións intermedias, con Jesús Irisarri e Guadalupe Piñera e Carlos Quintáns, demostran a esixencia e calidade na produción creativa contemporánea dentro dunha busca dunha achega cultural crítica. Finalmente, destinarase unha mesa redonda a reflexionar sobre as últimas xeracións da man de Xoán Creus, Belinda Besada, José Antonio Vázquez, Pablo Gallego e Alfonso Salgado.
A temática principal destas xornadas centrarase no estudo da arquitectura actual en Galicia ao tempo que se ofrece unha tese de debate conformada na reflexión sobre a arquitectura nos bordos do territorio e da cultura, no deseño e na proxección desde o arquitectónico, mediante a presentación de obras e proxectos nos que se debate esa problemática da intervención coa fricción da periferia ou do límite cultural, sempre nesa relación cómplice coa paisaxe e coa cidade.
Unha vontade de análise da produción arquitectónica e creativa atendendo a un estudo histórico e actual, crítico e contemporáneo, desde a teoría e a experiencia dos autores galegos.


<strong>DATOS BÁSICOS:</strong>

<strong>Materiais</strong>: <a href="http://consellodacultura.org/wp-content/blogs.dir/1/2007/11/programa-anverso.pdf">Folleto en pdf</a>
Santiago de Compostela, 21 e 22 de Novembro
<strong>Inscrición</strong>: <strong>Prazas esgotadas</strong>

<strong>Tel. Información</strong>: 981 957 210
<strong>Lugar de celebración</strong>: Salón de Actos do Consello da Cultura Galega

<strong>Localización das xornadas:</strong>
<br /><a href="http://maps.google.com/maps/ms?ie=UTF8&amp;hl=es&amp;t=h&amp;om=1&amp;msa=0&amp;msid=115300438092494595390.00043db47916cc6ac8250&amp;ll=42.880815,-8.545893&amp;spn=0.001376,0.00228&amp;z=18&amp;iwloc=00043df1503a280fa1460&amp;source=embed">Ver mapa más grande</a>