O programa
Iniciado en Barcelona en 2015 cun primeiro encontro entre poesía catalá e vasca, logo da cita galega terán lugar unha rolda de recitais sucesivos (en Galicia, Catalunya e Euskadi) para ir estreitando os vencellos entre as tres culturas, coa poesía como aliada na construción dun espazo común e diverso no que existirmos e dende o que falar coas nosas propias voces. O proxecto inclúe a edición dun libro web cunha escolma de cinco poemas de cada poeta traducida a ambas as linguas do recital. A publicación, que conta cun antecedente da edición catalá, estará a disposición do público no web institucional do Consello da Cultura Galega.
Esta iniciativa quere ser unha ponte máis pola que transitarmos cara a ese futuro intercultural e multilingüe.