----

Novo pulo para o galego no ámbito sanitario

A Fundación Pública Urxencias Sanitarias de Galicia-061 publica a versión en galego do manual Recomendacións para a Resucitación 2015 do Consello Europeo de Resucitación (ERC). A tradución ao galego deste manual, autorizada polo Consello Español de Resucitación Cardiopulmonar (CERCP), foi elaborada por Marcos Gabriel García López, médico residente no Complexo Hospitalario Universitario de Santiago (CHUS); e Rosalía Ferreiro García, licenciada en Filoloxía Galega e Filoloxía Románica, coa supervisión da Secretaría Xeral de Política Lingüística da Xunta de Galicia.